影片
更多
2009-09-29
7 浏览
29-9-2009之前睇过关于呢度的 fusion 车仔面食评, 几有兴趣, 趁呢日 lunch 又到上环开餐揾路嚟试试. 对两款「是日午餐」无兴趣, 叫了牛柳粒 + 泰式鸡柳 + 腐皮卷, 配蕃茄杂菜汤底的米通粉 (3 𩠌粉面 $32), 加杯冻奶茶 (+ $6).先嚟奶茶, 奶味 vs 茶味约 6:4, 甜度我觉得稍高, 但质地出奇地滑溜, 味道亦似台式奶茶多过港式, 又几好饮㖞. 蕃茄杂菜汤: 味道较单调, 只有「茄膏」的酸呛, 比港式西餐厅的罗宋汤 /「红汤」稍逊, 可以更好.「米通粉」: 即「通心米线」, 粗如通菜茎 食落无预期的米香, 不过口感 QQ 的, 又有汤底流入内, 味道都 ok.腐皮卷: 腍腍的, 口感有点似碗仔翅鱼肉, 带强烈「五香」味, 食落唔知点解觉得好「福建」feel...牛柳粒: 够腍, 面头的大量蒜粉亦够味, 不过 d 粉索晒 d 汤搞到湿湿湿一团团嘢咁样, 几核突.泰式鸡柳: 所谓「泰式」其实只系喺雪藏鸡扒上洒点辣椒粉 (定七味粉?), 鸡扒够腍但雪味去唔清, 百分百把鬼之作. 环境系茶餐厅格局, 算干净企理; 阿姐就够快够准, 态度
之前睇过关于呢度的 fusion 车仔面食评, 几有兴趣, 趁呢日 lunch 又到上环开餐揾路嚟试试. 对两款「是日午餐」无兴趣, 叫了牛柳粒 + 泰式鸡柳 + 腐皮卷, 配蕃茄杂菜汤底的米通粉 (3 𩠌粉面 $32), 加杯冻奶茶 (+ $6).
先嚟奶茶, 奶味 vs 茶味约 6:4, 甜度我觉得稍高, 但质地出奇地滑溜, 味道亦似台式奶茶多过港式, 又几好饮㖞.
蕃茄杂菜汤: 味道较单调, 只有「茄膏」的酸呛, 比港式西餐厅的罗宋汤 /「红汤」稍逊, 可以更好.
「米通粉」: 即「通心米线」, 粗如通菜茎 食落无预期的米香, 不过口感 QQ 的, 又有汤底流入内, 味道都 ok.
腐皮卷: 腍腍的, 口感有点似碗仔翅鱼肉, 带强烈「五香」味, 食落唔知点解觉得好「福建」feel...
牛柳粒: 够腍, 面头的大量蒜粉亦够味, 不过 d 粉索晒 d 汤搞到湿湿湿一团团嘢咁样, 几核突.
泰式鸡柳: 所谓「泰式」其实只系喺雪藏鸡扒上洒点辣椒粉 (定七味粉?), 鸡扒够腍但雪味去唔清, 百分百把鬼之作.
环境系茶餐厅格局, 算干净企理; 阿姐就够快够准, 态度亦 ok, lunch hour 招呼算唔错了.
$38 埋单, 可以一试, 不过是日拣的配料全属浓味, 撞埋同样浓味的蕃茄汤底, 效果其实麻麻哋 o_O, 下次嚟的话都系清淡一点较好.
张贴
