百份百餐廳 (元州街) (已結業)

其实小弟觉得自己人品相当唔错，唔系特别麻烦我都唔会点出声，呢个风格亦体现喺我写食评上。但今次真系唔出声唔得，我唔系为咗自己，系衷心希望该食肆能够聆听食客声音，改善食品质素。若能成功嘅话，咁该食肆就能够长做长有，而亦系我等食客之福。今次要讲嘅系一碟银芽肉丝炒面。我系睇餐牌时俾佢吸引咗，佢奇特嘅造型的确引起咗我嘅食欲。等咗一段时间后，炒面上枱⋯，我想问大家有冇拆过模型？真不知道如何入手。坚嘅，靓就系靓，但讲到食就另作别论，正宗系撬口掺手，自问我个口已经颇大，都食到成个咀都系油，咁试问啲淑女又点应付呢？其实如果唔系未饱、又或唔想浪费，我一早就会放弃。我完全冇谂过食餐晏系会变成搏斗，真系食到好攰。老实讲，师傅原意好好，奇特嘅造型系出位嘅。但只要试过一次就以后唔会再点又系唔系啱呢？仲有一点系味道，完全冇特色。见呢间餐厅越开越多分店就证明佢哋系想越做越好，越做越大，希望佢哋会聆听食客意见，改善一下食品质素啦。