影片
更多
2013-08-27
72 浏览
由于唔再使星期六返工，有段时间同老婆经常晌美孚区食下午茶，仲以「我的美孚下午茶餐」为题写咗一系列食评。东海堂都写过一次，但又唔使要食下午茶先嚟买饼嘅，见老婆近日晚晚加班，所以就买两件甜点当宵夜，精神上支持吓佢。可能真喺对东海堂有啲偏心，其实港铁美孚站（荃湾线）有东海堂，亦有美心，佢哋份属同集团，不过就真喺钟意帮衬东海堂多过美心。晌东海堂店前注足咗一阵，见「多彩な吉士挞」系列最吸引，草莓吉士挞、芒果吉士挞、栗子吉士挞、鲜果吉士挞、蓝莓吉士挞、白桃吉士挞共6款，当然款款都想试啦，不过作为「宵夜」，两个就够晒数。栗子吉士挞 $18栗子向来都喺老婆至爱，所以栗子吉士挞喺铁胆之选。吉士挞放晌雪柜多雪咗几个钟，个牛油挞底咬落都仍然非常松脆，挞壳之上有一层朱古力浆及海绵蛋糕，有啲人以为喺想好味啲，层次丰富啲，其实学过整果挞嘅人都知，啲朱古力浆喺用嚟「防湿」，隔绝水份渗落个挞壳变腍，尤其果挞渗水机会特别大，而再整多层海绵蛋糕可谓双重保险；跟住再上喺北海道3.6牛乳吉士忌廉，比一舨忌廉更重奶味，质感十分柔滑；最面就仲有栗子粒，同超多嘅栗子蓉，以及装饰同味道兼备嘅原粒栗子（半粒），令整件栗子吉士挞非常有睇
晌东海堂店前注足咗一阵，见「多彩な吉士挞」系列最吸引，草莓吉士挞、芒果吉士挞、栗子吉士挞、鲜果吉士挞、蓝莓吉士挞、白桃吉士挞共6款，当然款款都想试啦，不过作为「宵夜」，两个就够晒数。
栗子吉士挞 $18栗子向来都喺老婆至爱，所以栗子吉士挞喺铁胆之选。吉士挞放晌雪柜多雪咗几个钟，个牛油挞底咬落都仍然非常松脆，挞壳之上有一层朱古力浆及海绵蛋糕，有啲人以为喺想好味啲，层次丰富啲，其实学过整果挞嘅人都知，啲朱古力浆喺用嚟「防湿」，隔绝水份渗落个挞壳变腍，尤其果挞渗水机会特别大，而再整多层海绵蛋糕可谓双重保险；跟住再上喺北海道3.6牛乳吉士忌廉，比一舨忌廉更重奶味，质感十分柔滑；最面就仲有栗子粒，同超多嘅栗子蓉，以及装饰同味道兼备嘅原粒栗子（半粒），令整件栗子吉士挞非常有睇头，而栗子蓉软绵富栗子香，少甜版更易为人受落，原粒栗子亦粉腍清甜，实在好食！
白桃吉士挞 $18所有吉士挞都喺以香脆牛油挞底、朱古力浆配海绵蛋糕为基础组合，继而先有日本白桃汁啫喱，口感颇为清爽，一咬白桃味慢慢渗出；再上一层嘅北海道3.6牛乳吉士忌廉，较晌栗子吉士挞嘅牛乳吉士忌廉为软身，可能喺受上面白桃嘅汁湿化咗；而挞面嘅新鲜日本白桃果肉铺得满满，亦喺白桃吉士挞嘅亮点，白桃肉真喺具质素，味道清甜带自然果香，果肉又带有少少爽脆质感，成件事咪就喺正啰！
印象中，依个系列嘅吉士挞都推出咗有成年，但到依家都仍然喺店中主打嘅冻饼之一，质感富层次，味道又多变，素材有要求，制作花心思，加上$18嘅定价，仍然热买都不无道理！
张贴
