影片
更多
2020-11-03
1250 浏览
今日又同同事们一齐出去揾好野食, 顺手倾下计, 咁平日午市如果想坐得耐d 嘅相信除左传统酒楼之外都冇咩选择了, 所以一出发去揾食就专注酒楼, 由湾仔行到鹅颈桥一带, 发现桥底有间新新酒楼躲藏响桥与大厦之间, 而且睇落年代久远, 好啦, 一于今次就试下呢间老派酒楼啦咁呢间酒楼由知客处再到宴会厅系要行楼梯, 咁楼梯墙壁都系由镜组成, 上到楼上就一大列鱼缸放满生猛海鲜, 不过今日午市大家都想食点心就直行直过了, 最后知客就安排我地坐通道旁边, 虽然话系通道旁边, 但其实非常阔落台同台之间不单相当阔落, 而且有屏风阻隔, 避免病毒散播, 而装修方面非常老派, 睇到天花上嘅水晶灯吗萝卜糕, 员工未有提供任何酱料, 本身萝卜糕非常惹味, 煎得可口, 比一般酒楼提供嘅口感结实叉烧肠, 已事先切好, 肠粉皮烟韧, 叉烧分量多得可以撑起肠粉皮, 口感顺滑而且甜豉油唔抢味鲜虾菜苖饺, 馅料十分之多, 多到咬开时会爆开, 虾肉爽口有甜味, 应该算新鲜吧, 而菜苖切成丝, 饺皮如相所见都做得透明, 由接口位有几窄都知道里面嘅馅料有几多吧, 制作十分有诚意金钱肚以芋头垫底, 酱汁十分浓郁且挂身, 金钱肚切得有足
咁呢间酒楼由知客处再到宴会厅系要行楼梯, 咁楼梯墙壁都系由镜组成, 上到楼上就一大列鱼缸放满生猛海鲜, 不过今日午市大家都想食点心就直行直过了, 最后知客就安排我地坐通道旁边, 虽然话系通道旁边, 但其实非常阔落
台同台之间不单相当阔落, 而且有屏风阻隔, 避免病毒散播, 而装修方面非常老派, 睇到天花上嘅水晶灯吗
萝卜糕, 员工未有提供任何酱料, 本身萝卜糕非常惹味, 煎得可口, 比一般酒楼提供嘅口感结实
叉烧肠, 已事先切好, 肠粉皮烟韧, 叉烧分量多得可以撑起肠粉皮, 口感顺滑而且甜豉油唔抢味
鲜虾菜苖饺, 馅料十分之多, 多到咬开时会爆开, 虾肉爽口有甜味, 应该算新鲜吧, 而菜苖切成丝, 饺皮如相所见都做得透明, 由接口位有几窄都知道里面嘅馅料有几多吧, 制作十分有诚意
金钱肚以芋头垫底, 酱汁十分浓郁且挂身, 金钱肚切得有足够阔度避免影响口感, 份量不少有5至6件, 内脏清洗干净没有一点异味, 算系近年食过口感最好嘅金钱肚
虾饺大粒, 饺皮烟韧但又不易穿, 而且饺皮呈透明色而唔系白色, 馅料口感结实同埋有些微粗糙感, 觉得系人手制造, 味道一流
凤爪, 炆得软淋, 而且起胶
呢个系奶黄包, 呢度嘅包点系非常非常之好食, 以呢笼包来讲, 包身非常软熟, 撕开时会发现包嘅黏度好高, 唔似坊间包点咁会硬会有颗粒感, 你食佢嘅包系好顶胃, 但亦都会食到佢嘅包系有甜味, 加上奶黄馅有咸蛋黄吊味, 咸咸甜甜的, 诚意推介
叉烧包睇相都知道里面馅料有几多先会咁爆出黎, 而且包嘅质感系坊间酒楼比唔到你嘅, 呢度嘅包皮肤你系好难成块撕落黎, 因为黏住个包, 加埋本身不俗嘅馅料, 就成就左一笼高质素嘅叉烧包
牛肉球, 以腐皮衬底, 牛肉球里面马蹄比例很好, 而且冇松肉粉, 咬起来口感结实, 味道甜甜的
烧卖, 好似相所见, 会见到蟹子响烧卖顶已经好感动, 更何况系份量咁多, 呢度嘅馅料系虾多过猪肉, 猪肉嘅存在某程度上系为左引出鲜甜嘅味道, 黄色嘅外皮薄而烟韧
10笼高质点心, 埋单289 蚊, 好耐冇食过一餐酒楼系冇中伏位了
btw, 佢嘅茶唔系非常好饮, 但点冲泡都有味, 值得一赞
张贴
