影片
更多
2014-10-01
2484 浏览
若非小组成员搞活动，都甚少入到嚟青衣，我哋先饭聚，再打波。每次入到嚟都有朋友负责晒所有事，安心食，安心玩，而拣前门饭庄作为饭聚地点，朋友话贪佢有个房仔，可以自成一角，又无消费要求。餐厅环境几雅致，灯光柔和，墙上挂有好多中式提字。而我哋所处嘅「厢房」，其实喺半开放式，无实心嘅墙，亦无门，只喺有啲间柱，又晌角落位，骚扰性比坐大堂低好多。前门饭庄主要卖上海菜，亦有少少京菜同川菜，由冷盘前菜、热荤大菜、点心粉面、甜点糖水，款式超过70、80，选择多多，部份菜式有图有相作参考，而且，睇落价钱亦唔算贵。除茶钱收每位$7、加一之外，都无其他杂费。冷盘前菜多达23款，好多知名嘅沪式冷盘都有，如四喜烤夫、葱油海蜇、鸡丝粉皮……，而京式嘅北京水晶肉，川式嘅四川口水鸡，均有供应。酱香冻茄子 $45冻茄子口感腍腍滑滑，冰凉清爽，所谓「酱香」，有点咸咸辣辣嘅味道，又渗出丝丝蒜香，食落都几醒胃。香糟醉鸡 $70醉鸡晌沪式冷盘中一向都喺好受欢迎，而依道香糟醉鸡亦喺冷盘嘅厨师推介之一。一客醉鸡份量不少，酒糟香气扑鼻，外皮好爽，鸡肉颇滑，果然有水准。京葱酱汁牛肉 $53牛肉喺用上牛展，卤煮后，配上京葱及酱汁，都算一道简
餐厅环境几雅致，灯光柔和，墙上挂有好多中式提字。而我哋所处嘅「厢房」，其实喺半开放式，无实心嘅墙，亦无门，只喺有啲间柱，又晌角落位，骚扰性比坐大堂低好多。
前门饭庄主要卖上海菜，亦有少少京菜同川菜，由冷盘前菜、热荤大菜、点心粉面、甜点糖水，款式超过70、80，选择多多，部份菜式有图有相作参考，而且，睇落价钱亦唔算贵。除茶钱收每位$7、加一之外，都无其他杂费。
冷盘前菜多达23款，好多知名嘅沪式冷盘都有，如四喜烤夫、葱油海蜇、鸡丝粉皮……，而京式嘅北京水晶肉，川式嘅四川口水鸡，均有供应。酱香冻茄子 $45
冻茄子口感腍腍滑滑，冰凉清爽，所谓「酱香」，有点咸咸辣辣嘅味道，又渗出丝丝蒜香，食落都几醒胃。
香糟醉鸡 $70醉鸡晌沪式冷盘中一向都喺好受欢迎，而依道香糟醉鸡亦喺冷盘嘅厨师推介之一。一客醉鸡份量不少，酒糟香气扑鼻，外皮好爽，鸡肉颇滑，果然有水准。
京葱酱汁牛肉 $53牛肉喺用上牛展，卤煮后，配上京葱及酱汁，都算一道简单冷盘，但味道绝不简单。牛展卤得软腍，带微微卤水香，配京葱嘅香爽，酱汁嘅浓香，食味不俗。
尝过前菜，又喺到大菜嘅时候。家禽类点咗一个山东手撕鸡，加多一客鸭崧配叉子烧饼，两者都喺厨师推介；蔬菜类就拣嚟浓汤大白菜，热荤主食应该都差不多。山东手撕鸡 $98
只卖$98有成只手撕鸡，大家都明白喺冰鲜货色，尤其依家啲冰鲜货色一啲都唔差，除非做白切鸡，否则都唔喺咁易分得出喺新鲜定冰鲜。手撕鸡以浓香酱油制作，再手撕而成，鸡肉比想像中滑，而且十分惹味，抵食。
鸭崧配叉子烧饼 $80除鸭崧，亦可拣鸡崧，嫌一份叉子烧饼唔够填晒咁多鸭崧，可以另外叫净烧饼（$25）。鸭崧炒得几香，又加入松子仁，叉子烧饼烤得薄薄脆脆，包面沾得满满芝麻，鸭崧配烧饼，夹埋一齐回味无穷。
浓汤大白菜 $58大白菜改咗绍菜，不过咩菜都唔喺重点，大家都志在有啲蔬菜落肚。至于个浓汤，都算唔错，不过，又唔会令你一饮难忘嘅程度。
一啲饱肚嘅粉面及点心都喺唔少得，所以，点咗3客粉面，2客点心。虽然我哋有成10个人，但女士、细路占多，况且，仲有个蛋糕做甜品，所以够晒食。三鲜两面黄 $68
个两面黄认真失望，一向对两面黄个印象都喺面饼底面煎香金黄带脆，中间柔软。不过，眼前依碟似一般粤式嘅肉丝炒面，只喺肉丝换嚟肉片、虾仁，唔喺话佢个味道差，如当为一般中式炒面，其实做得几好食，材料又多，只喺欠缺咗应有风味啫。
四川担担面 $35虽然个两面黄失望啲，但个四川担担面又的确唔错㖞。担担面面质柔韧有嚼劲，配合浓浓汤汁，有些花生香，带点点辣，真喺几好食。
雪菜肉丝汤面 $35为顾及各人需要，一个辣嘅，就自然点一个唔辣嘅汤面。雪菜肉丝本身味道温和，如无咩太大失误，都唔会难食得去边。
灌汤小笼包 $45小笼包外皮唔算薄，亦唔可以话佢厚，至少从外观都透到内里嘅汤汁，不过，汤汁就真喺几爆，要小心食，免得溅到一身都喺；猪肉馅亦都松化，唯一要挑喺个收口折位比较厚，影响个口感。
银丝卷 $18件依个应啲做妈妈嘅朋友要求，揾啲包俾阿囝囝食，正路就嗌1蒸1炸，各有所好。蒸嘅银丝卷口感极之松软，又唔黏牙；而炸嘅银丝卷口感香脆，内里软绵。
餐厅本身有收切饼费嘅要求，不过，佢话只要点一客甜品就可以豁免。我哋带咗个蛋糕去庆生，而个枣泥拉糕就因此只点咗一客，温馨提示，个枣泥拉糕即叫即蒸，而又制作需时，所以有心试就记得预早少少落单。枣泥拉糕 $34
以红枣搓成枣泥，再做成富上海特式嘅拉糕，面头再加满瓜子仁，摆成花形，幽雅别致。拉糕质感软糯，黏黏绵绵，啖啖都渗出浓郁红枣清香，甜度又啱啱，怪不得列为厨师推介嘅甜品之一。
由于我哋一早订枱兼食6:00pm，早段客人唔多，服务都无问题，不过，后段开始多客，人手有啲紧，所以，有啲服务都怠慢咗。但喺，整体都令人满意嘅，况且，菜式选择多，收费亦合理，地点又方便，值得再帮衬嘅菜馆。
张贴
