影片
更多
2011-04-11
5 浏览
开会过晒龙，哗，成三点几咯！梗系第一时间祭祭五脏庙！东广场开张冇耐，食肆渐多，好，今日一于试试个名好有feel嘅＜忘不了＞！（平时午市太多食客和轮位的人，趁现在人少少又唔驶等位，而且下午茶平Ｄ兼唔驶加一，所以我地决定一试！） 由于过左饭市时段所以人流唔多，门口侍应问过我地几多位就示意我地一行６人到偏厅那边坐，里面可以望到师傅搓面粉和制拉面！我叫左个$30的四川风味套餐，有天府牛肉面＋擂沙汤丸＋豆浆。整体黎讲都ＯＫ嘅，个面都几入味，辣度适中几香口，不过牛肉唔多而且好韧！反而跟餐嘅两粒擂沙汤丸就几好食！ 同事甲就叫左个嫩鸡汤面＋黑豆浆，佢话味道冇咩特别，不过Ｄ鸡就真系少左Ｄ，得三件！除左一件系鸡翼尖之外（已冇咩肉），另外两件仲要得皮包骨，冇肉嘅！ 至于同事乙就叫左上海排骨粗面，件排骨虽然松化有嚼劲，不过Ｄ油多左Ｄ！最扣分系个面，唔知系咪已届三点几，所以成碗粗面都系碎湿湿、冇条完整嘅，成碗面碎未免有Ｄ欺客之嫌㖞！ ＜忘不了＞大致上味道都不过不失，不过价钱方面，如果以lunch time黎讲就贵左Ｄ，同埋侍应的礼貌欠奉，希望下次来食会有所改进啦！
开会过晒龙，哗，成三点几咯！梗系第一时间祭祭五脏庙！东广场开张冇耐，食肆渐多，好，今日一于试试个名好有feel嘅＜忘不了＞！（平时午市太多食客和轮位的人，趁现在人少少又唔驶等位，而且下午茶平Ｄ兼唔驶加一，所以我地决定一试！）
由于过左饭市时段所以人流唔多，门口侍应问过我地几多位就示意我地一行６人到偏厅那边坐，里面可以望到师傅搓面粉和制拉面！我叫左个$30的四川风味套餐，有天府牛肉面＋擂沙汤丸＋豆浆。整体黎讲都ＯＫ嘅，个面都几入味，辣度适中几香口，不过牛肉唔多而且好韧！反而跟餐嘅两粒擂沙汤丸就几好食！ 同事甲就叫左个嫩鸡汤面＋黑豆浆，佢话味道冇咩特别，不过Ｄ鸡就真系少左Ｄ，得三件！除左一件系鸡翼尖之外（已冇咩肉），另外两件仲要得皮包骨，冇肉嘅！ 至于同事乙就叫左上海排骨粗面，件排骨虽然松化有嚼劲，不过Ｄ油多左Ｄ！最扣分系个面，唔知系咪已届三点几，所以成碗粗面都系碎湿湿、冇条完整嘅，成碗面碎未免有Ｄ欺客之嫌㖞！
＜忘不了＞大致上味道都不过不失，不过价钱方面，如果以lunch time黎讲就贵左Ｄ，同埋侍应的礼貌欠奉，希望下次来食会有所改进啦！
张贴
