點心宅急便 (已結業)

Item: 點心宅急便
Rating: 5
Author: chiulesley

Dim Sum Express

38 食记

味道

环境

服务

卫生

抵食

261

尖沙咀

$101-200

粤菜 (广东) 点心茶馆

chiulesley

等级1

今晚约o左一班旧同事食饭, 人多意见多多, 最后有人提议食点心, 谂谂下都好㖞,
但系我们o系尖沙咀K11附近, 唔知周围边度可以揾到一间坐得又舒服, 又唔嘈o既
地方可以一边食点心, 一边讲八婆o野呢?

大家就随手用手机试下睇下openrice有咩好介绍, 原来附近有一间叫"点心宅急便"
o既新店 , 对面就系豚王拉面, 所以都唔算好难揾到, 话咁快就到o左tim!!!

一见到舖头个门面设计真系好夸张, 我o地仲以为o黎错o左, 唔系o下话, 食日本o野
o架, 我地系o黎食"港式点心"果㖞, 老友........@@..........好惊咁走o左入去!!!!

第一个赞, 我o地最憎就系食o野都要等餐死先有得食, 好好彩, 我o地等o左一阵就
可以入去食o野lu, 入到去地方虽然唔系好大, 但系真系比到超舒服o既感觉我o地,
唔睇menu, 你会以为系唔系锯扒o架........哈哈哈.......不过真系好干净, 一D都
唔似食点心果啰, 环境绝对o岩哂我o地要求, yeah~~

二话不说, 我o地o拿o拿声menu, 睇下有咩点心食先, 首先发现o左一个好特别o既
食物 ==>鲍鱼酥, 最重要睇下几钱先......哇哈哈.....讲你都唔信, 50蚊都唔驶, 唔
系o下话, 唔通系假o野?! 唔理咁多, 每人一件先, 唔好食最多比佢呃一次, 其他o既
点心, 我地机乎全部都点哂咁滞, 人多实在太好, 可以叫多D唔同款o既食, 呵呵~~

等o左大约10分钟左右, 有得食, wow......样样点心都好精致,  同鸿星食果D动物点
心有得fight, 肠粉很细心㖞, 碟上已经分好一件件比我们地, 卖相就真系可以话very
good, 唔知味道又如何呢?!

肠粉 = 即拉好鬼滑, 叉烧好足料 ★★★★
菜苗饺 = 个皮真系好鬼绿, 因为都有虾, 所以当佢虾饺咁食, 虾都好爽口㖞,
             口感很丰富耶 ★★★★
黑松露素菜饺 = 从来都未试过黑松露面用于港式点心, but.....都好好食㖞 ★★★★
蟹粉小龙包 = 劲多汁, 蟹粉味超浓, 正 ★★★★★
凤眼饺 = 有两粒小小鲍鱼仔o系上面, 原来都系有虾o架 ★★★★
凤爪 = 其实无乜可以特别赞佢, 但系系我最钟意食, 味道刚刚好系我食开果种味道 ★★★★
排骨 = 只可以讲系合格, 因为无雪味, 不过我就麻麻地 ★★★
鸡扎 = 系用正宗鱼肚o既, 好彩唔系蟹柳, 好多酒楼都放火腿或者蟹柳的啊★★★★
烧卖 = 好好味, 无乜肥猪肉, 又系我最钟意食o既 ★★★★★
春卷 = 好脆口㖞, 即叫即做就系咁好 ★★★★
菠萝焗餐包 = 呢个唔赞唔得, 因为真的很很很好味, 菠萝酥皮, 好脆口, 里面原来系
                  叉烧包, 好正 ★★★★★
登....登....登....登....重头戏了.......
鲍鱼酥 = 食点心食得我地几招积,哈哈哈....... 鲍鱼都几大只, 酥饼里面仲有鸡肉粒,
             因为都几大件, 所以我地唯有分开食, 食o左鲍鱼先, 之后再食个酥饼, 唔系好识
             形容果个味道, 我谂大家真系要自己亲身o黎试下先感受到, 味道只可以讲......
             真的好好食 ★★★★★

结果, 我地个个都食到好饱, 好饱, 连甜品都食唔落了........虽然我地已经食哂o野, 但系D
人都无赶我地走, 唔理我地坐几耐, 不过我地都识做, 见到有人等位, 我地就走人啦, 嘿嘿!!

其实仲有其他可以o系酒楼食到o既点心, 佢地都有, 之不过真系好难样样讲哂出o黎~~

整体o黎讲呢间点心店各样o野的确好有水准, 完全可以击败对面o既豚王拉面呀!!
如果有VIP咭咁就好啰, 而且如果佢地可以开到通宵的话, 我谂会仲受欢迎呢, 11点半就关门,
我地想坐耐o的都唔得呀, 不过我会同其他朋友, 屋企人再o黎帮衬o既, 希望下次有更多惊喜~