龍鳳祥餃子館 (已結業)

上网见到呢间有一款牛犇面， 个名好特别，一睇都知好多牛肉，所以入去一试。7点钟食饭时候，都坐满晒人，好彩仲有两个卡位，我同朋友一人点左一款面，再加口水鸡同两杯豆浆，食完都好饱，而且味道都唔错。朋友试咗个牛犇面$46，牛肉嘅份量都好多，首先试左佢嘅汤底，几清甜，饮落冇加味精，牛肉够淋身，煮嘅时间啱啱好，一啲都唔痴牙，整碗面嘅份量都好足够我就食咗碗担担面$36，面嘅份量真系超多，差唔多有成两个面👍🏼👍🏼，真系超抵食，个汤底好浓郁，好重嘅花生味，带点微辣，面底吸晒汤汁，我个人钟意呢种食法。口水鸡$58佢只有大份嘅选择，份量都几多，鸡肉够滑身，而且都几大件，唔好睇上面好似好多辣椒，其实都唔系太辣，下面系青瓜铺底，一款𩠌可以当两个小食，几好嘅选择😂豆浆＄5一杯，豆味几香，而且都系属于少甜系列，用嚟解担担面嘅辣度啱啱好。唔使加一，埋单＄150 ,都算抵食，下次去开西九龙都可以再食。