北方餃子源 (水街)

营业中

休息中

无食一段时间，饺子瘾又起了，咁岩今日女友想去西环某甜品舖，就睇下附近有无好嘢食啦，一揾就揾到呢间北方饺子源。饺子有普通水饺或煎饺拣，款式都算多选择，唯一可惜系无我最爱嘅粟米猪肉饺。除咗饺子外，亦有多款小食及面食。麻辣猪耳 :其中一款每次都会叫嘅小食，呢度嘅猪耳比较令人失望，虽然味道唔错，但质感较为硬及唔够爽，有改善空间。翠玉瓜猪肉饺 :饺子皮够薄，馅料丰富，翠肉瓜鲜甜清新，配埋猪骨汤味道唔错。白菜猪肉饺 :饺子加17蚊可转酸辣汤，白菜饺味道一般，酸辣汤够惹味，汤料亦充足。四川担担面 :担担面面质够弹牙，微辣汤底好好味，配埋少量肉碎及花生碎，一碗话咁快就食晒。