韓味屋

营业中

休息中

今日dinner揀左韓國野食 細細間似係家庭式經營 成日見有人係門口等位 前陣子擴充左多一間分店係隔離街 我地今次食既就係新店 一坐低就一人一杯紅棗杞子茶 一人一碗海帶湯 胡椒味好香 但少少似味精湯感覺 然後仲有前菜 如果唔食得辣可以同店員講 佢地會揀d唔辣既前菜比你 個人認為前菜個薯仔幾好食 甜甜地咁 哈哈 覺得前菜好食既話仲可以外賣買番屋企食架叫左個南瓜炆牛肋骨同海鮮炒粉絲 個牛肋骨好香！佢會跟埋白飯 個份量都幾多 牛肋骨煮到好林好入味 連羅白都好好食 因為味道夠又唔會起沙 好味道🤤🤤🤤送飯一流！反而個海鮮炒粉絲份量就無咁多 不過粉絲入口都Q彈同埋海鮮用料都算多 整體都幾好雖然餐廳座位較迫 但勝在價錢相宜 食物質素都唔錯 唔怪得之經常排晒長龍！希望水準同服務可以一路維持 咁先可以長做長有😌