合利潮州打冷飯店

营业中

休息中

五一假期前食个晚饭，因为朋友要喺佐敦做嘢所以拣咗呢一间潮州舖，嗌咗四个𩠌每人先至二百几蚊，即系平均一个𩠌百几蚊，其中一个仲要系卤水鹅片，真系一餐抗通胀晚餐。卤水鹅片份量都唔少㗎，冇将价就货，而且卤水香得嚟又唔会一味得个咸字，我肉又唔肥，净系咬咗啲皮出嚟就可以成嚿好安心咁样食晒落肚，连垫底嘅卤水豆腐都好味。啫啫芥兰够火喉有镬气香喷喷仲有啲芥兰非常青绿新鲜。香煎墨鱼饼其实应该系炸先至啱，墨鱼饼面有啲粉丝碎一齐揸到脆卜卜，又唔会太油㖞。食到舔舔脷叫多一碟最后又拣咗椒盐鲜鱿，唔会炸到over晒，啲粉浆又唔会好厚仅仅够包住啲鱿鱼真系fit晒。