Chaiwala

营业中

休息中

Chaiwala 喺中环，系𠮶啲「有文化气息」𠮶啲街𠮶度，交通算系OK，如果搭地铁行上去应该10分钟到啦，睇吓你行得快唔快。入到去装修算系几得意，可以影吓相啦。餐厅嘅范围非常之大，虽然入口好细同埋难揾。我哋去咗食Restaurant week，menu第一个系羊肉配包，可能因为系去到食嘅第一样嘢，所以觉得系最好食嘅。仲有一个有好多到加埋乳酪嘅菜式，比较上酸，我自己个人唔系好钟意。另一个系有个脆嘅波波，入边有啲辣辣地嘅豆，跟住你可以倒啲酸嘅汤入去，一啖过我食晒。呢一点非常之特别，我自己个人觉得唔加啲汤好食啲。跟住系鸡肉Tandoori同埋芝士西兰花，鸡肉都几入味，同埋唔会煮到鞋，但系西兰花就唔好食，太腍同埋黄色。咖喱有羊同埋鸡，两种咖喱嘅肉都比较鞋，而咖喱味药味比较重，睇吓你钟唔钟意呢种口味啦，我自己就唔系十分钟意。甜品就有雪糕同埋蛋糕，印象中有啲姜嘅味，咁雪糕就当然好食啦，不过蛋糕就麻麻哋。整体而言，最重要都系你要接受食印度菜式嘅煮法同埋味道，你就可以好好享受呢餐。我自己个人觉得佢啲嘢质素算系好好，就算口咪未必最啱我自己，我都觉得可以试吓嘅。