熾工房 (已結業)

北区人入黎长洲，满怀期待留肚食好嘢，见到长洲有炸鸡食，好奇一试啦。等左劲耐位，最后坐门口出面，谂住叫一个餐试吓水温，好食先追加，叫左个1号餐，$54两件鸡一份薯条加汽水，佢同我讲最低消费$60，好啦咁我加多件鸡$71啦。等左廿分钟，鸡槌幼过我两只手指，上脾得我四份一个掌心禁大。望落去黑蚊蚊干争争，有几旧皮连住好似鸡翼尖咁嘅嘢，咬落先知系啲炸粉炸埋出黎嘅嘢。食落去啲肉鞋过纸皮，完全冇鸡味，啲皮得个硬字。我仲有一刹那谂我系咪等位买嘢𠮶阵讲错嘢畀厨房整估，真心我唔明佢凭咩收我最低消费同埋70蚊三件炸鸡一份薯条啰。我一面问自己我要食炸鸡点解要食呢间嘢唔食kfc jolibee要浪费自己啲quota喺长洲食呢家嘢？KFC同Jolibee都好食过佢好多倍至于薯条就大路嘢啰，周街都买到毫无惊喜𠮶种。至于环境，入面位少环境细，坐出面有虱咬，食炸鸡送蚤烂。结论：一个字：后悔！两个字：好后悔！