影片
更多
2022-05-09
1415 浏览
结论：呢间嘢真心摆明呃钱 ，上菜慢狂漏单，好多野一坐低（我地食晚市第一轮），已经卖晒不特止，叫左嘅嘢催极都唔黎，啲店员亦唔系好诚实，行政混乱，最后有人报警投诉店家。呢度正评唔知系咪打手。（以下详情略长，但真系希望可以讲清楚个情况，令到唔好有人再比呢间嘢呃）订位混乱1. 喺tapnow 见到佢做紧95折优惠，就订位庆祝母亲节，点知咁唔好彩遇上呢次极不愉快的用餐经验，第一次遇上食野食到有人因为同店方纠纷（而唔系打架）而要报警投诉，仲要唔止一枱。当然以后唔会再嚟呢间嘢，亦唔会再喺tapnow订嘢，新闻都有话，依家网上骗案多2. 一开始订座已经好混乱，tapnow上面写住起码早3日订，咁我早3日喺openrice订位，亦确认左。但因为tapnow写住要打电话确认，所以就谂住稳阵啲再打电话确认订位，废事母亲节庆祝最后要狼狈咁揾过第二间。点知打两个餐厅电话都冇人听。晏啲再打去，我话我tapnow买左餐，openrice订左位写明tapnow优惠，佢一开始同我讲tapnow无得订啦，我话我已经早3日订，佢又话假期订位无得用，但我同佢讲，tapnow优惠券上无咁写，亦无话订位果日唔用得。佢最后话得，咁
（以下详情略长，但真系希望可以讲清楚个情况，令到唔好有人再比呢间嘢呃）
订位混乱
1. 喺tapnow 见到佢做紧95折优惠，就订位庆祝母亲节，点知咁唔好彩遇上呢次极不愉快的用餐经验，第一次遇上食野食到有人因为同店方纠纷（而唔系打架）而要报警投诉，仲要唔止一枱。当然以后唔会再嚟呢间嘢，亦唔会再喺tapnow订嘢，新闻都有话，依家网上骗案多
2. 一开始订座已经好混乱，tapnow上面写住起码早3日订，咁我早3日喺openrice订位，亦确认左。但因为tapnow写住要打电话确认，所以就谂住稳阵啲再打电话确认订位，废事母亲节庆祝最后要狼狈咁揾过第二间。点知打两个餐厅电话都冇人听。晏啲再打去，我话我tapnow买左餐，openrice订左位写明tapnow优惠，佢一开始同我讲tapnow无得订啦，我话我已经早3日订，佢又话假期订位无得用，但我同佢讲，tapnow优惠券上无咁写，亦无话订位果日唔用得。佢最后话得，咁我同你confirm返booking
3. 过左一日佢取消我openrice booking，咁我打电话去问，话佢咁混乱，究竟而家有订定无订，佢都话呢几日系好混乱，而家帮我落返booking 簿
食物不足 摆明车马呃钱
4. 有啲食物从来无出现过：佢分ABC餐，C餐($330)最贵，贵过B餐成差唔多一百蚊($254)，我地拣左C餐，因为多左海胆刺身，想母亲节食好啲。但5点10分入座，一入到去海胆刺身就售罄。另外有几样嘢都无，例如炸鲜奶，椰汁流心球。咁其实要几点黎食先有？定系从来都没有？
5. 有啲食物叫左都从来无上过：即使比你落左单，都未必食到。由5:1x分叫左第一轮牛舌，到之后叫多左两轮，结果坐到7点几都无上过黎。期间叫左啲职员睇左2次有咩未黎，第一次6点左右叫左个后生仔，净系点点头，当然系无回头啦，无帮我地跟。第二次6:30左右叫左个呀叔，佢话会帮我哋跟，结果不了了之。另外叫左小龙虾、黄金酱烧帆立贝、鸡翼，通通都无黎过。
6. 上左嘅食物亦有漏单：叫8件鲍鱼佢净系黎4件，你叫几多件佢都系随心比几件你，真正嘅厨师发板。份量亦同图片有出入，例如蟹粥。
7. 自取食物永不添加：自己出去拎嘅嘢食唔多好食，热食得葡挞同薯格，另外有一款汤同一款糖水。啲葡挞同薯格仲有汤大约6点就无晒，到7点几走果时佢都冇加过，啲甜品得十款以内，当然亦都系从来无加
职员不诚实/求其 无服务
8. 唔会跟单：上面讲左
9. 唔诚实/求其：tapnow换领券写住4人或以上可以换香槟一枝，我第一次问个著制服啊叔，佢话佢第一日返工唔知，揾左个著便服阿婶同我讲，阿婶话你5点入座所以无。我睇返成份换领券啲细则都无写，后尾埋单时唔知系咪因为𠮶时已经有人报警，个收银就话有，比返枝香槟我地。唔系话贪你枝$108嘅香槟，而觉得打开门做生意要诚实（或者唔好咁求其，乜都讲左无先），嘢食你话一开晚市就卖晒我都算，最多呻自己笨，去左间乜都无得嘅放题，但白字黑字写明你都可以话无，咁系咪违反商品说明条例？
10. 拖慢工作速度，唔上食物：好多店员浄系行行企企，就算上菜有好多时系两只手拎一碗嘢，甚至有见过系一个人拎一个盘，盘上得一碟嘢，𠮶碟野得一件寿司，亦有一个人系一只手拎一樽仔鼓油（但留意佢地系有盘的，而其实地方系够大比佢地推车）。唔知呢间嘢其实系入货唔够，所以乜都话卖晒，上菜亦慢慢上，等啲人等到自己走。叫个蟹粥都系成半个钟都未到，舀出黎有几难？你咁多人手系度做乜？
总结：餐厅入面有好多枱客催单，但就算嘈都系无用。埋单果时发现有位正义之士报左警，亦见有另一个枱嘅斯文后生仔同警员讲返餐厅个声称负责人依家报左警就唔见左人。真心希望呢间餐厅从此以后唔会或无机会再呃人。有啲一家大细十几人无嘢食，净系可以望住啲店员等完又等，又太斯文唔敢同餐厅嘈（不过嘈都系咁，唔会理你，有人直情行出位揾啲店员叫佢比啲天妇罗佢，结果都系无），本来放假开开心心一家人食嘢，真系㦸佢地惨，好彩有热心市民报警。要食客食完因为餐厅服务而报警，牺牲自己宝贵嘅时间，可想而知呢间嘢系点。
公平啲讲，佢个海景系ok嘅，不过其实楼下谭仔价钱只系十分一，都可以睇到海景。
食物（有上果啲）就一般，不过有屋企人食到肚屙。
PS 原来openrice好和谐，唔可以形容餐厅为黑x或x 店。果然系公信力一流嘅网站。
张贴