影片
更多
2013-03-28
1624 浏览
听朋友讲呢间唔错, 今晚各食家摆明车马黎踩场，订左全酒吧最 private 又最有私人空间既座位，thank you ﹗系酒吧最深处又最近往厕所通道添。依家刚才七点，仲好早呢，小猫两三只无咩客，环境都几清静又企企理理啦。 食家未齐人，先 study 吓个 menu，Pizza 只得 3 款，小食都系几款。见到 special promote 呢 ﹗order 1 支红或白酒送 1 个并盘，净系个小食都值二百几，似乎都抵咁噃。Free 并盘可拣 24 个月西班牙伊比利黑毛猪火腿、巴马火腿、生蚝，仲有海鲜并盘。今晚 Table for 8 ﹗坐左半个钟，食家们都仲未到齐，唯有先黎支法国白酒饮住先，Pierre Gewurztraminer白酒，先试第一只。味道带荔枝香味，中度甜味，质感滑，入口完全无苦涩味，钟意甜既朋友就啱晒喇 ﹗但个人够喜爱微甜中而酒浓。如果枱面上既花生能转为各类果仁就更开心喇 ﹗侍应们真的对红白酒非常认识，解释既详尽令我有点惊讶 ﹗仲见到店主推介既杜拜七星级酒店红酒，但大家不太感兴趣。烟鸭胸，店主推介？食落有烟熏香味，味道调得偏浓，夹住青瓜同吃可减低咸度而令味觉清新一点
食家未齐人，先 study 吓个 menu，Pizza 只得 3 款，小食都系几款。见到 special promote 呢 ﹗order 1 支红或白酒送 1 个并盘，净系个小食都值二百几，似乎都抵咁噃。Free 并盘可拣 24 个月西班牙伊比利黑毛猪火腿、巴马火腿、生蚝，仲有海鲜并盘。
今晚 Table for 8 ﹗坐左半个钟，食家们都仲未到齐，唯有先黎支法国白酒饮住先，Pierre Gewurztraminer白酒，先试第一只。味道带荔枝香味，中度甜味，质感滑，入口完全无苦涩味，钟意甜既朋友就啱晒喇 ﹗但个人够喜爱微甜中而酒浓。如果枱面上既花生能转为各类果仁就更开心喇 ﹗侍应们真的对红白酒非常认识，解释既详尽令我有点惊讶 ﹗仲见到店主推介既杜拜七星级酒店红酒，但大家不太感兴趣。
烟鸭胸，店主推介？食落有烟熏香味，味道调得偏浓，夹住青瓜同吃可减低咸度而令味觉清新一点。鸭肉鸭皮处理得宜，皮脆不油不靭、肉嫩无渣，还可以啦，欠左份鲜肉既香气。靓鸭胸真系无需要太多花巧，海盐腌再煎切片已经好好食，可配橙、草梅、苹果依类既 dressing 使味道更丰富。
8 位食家终于到齐喇 ﹗起动 ﹗Promotion 1 支红或白酒送价值二百多三百蚊既 1 款并盘，可选海鲜、黑毛猪、巴马火腿或生蚝。唔食野都得，回赠返 HKD70 蚊比您添，听落都好鬼抵㖞 ﹗
巴马火腿并盘，跟类似沙乐美肠既肠仔片、火腿粒、鹅肝酱多士、葡萄干、车厘茄，仲有少少豆苗垫底。卖相一流，第一眼望到已感到个外观、组合、配菜都好鬼欧洲 ﹗意大利巴马火腿咸香非常，肉质富弹性而有赵口，油份充足，如果能卷住清甜既水果同吃，甜味撞咸味系一个非常特别又美味既感受 ﹗但依家盘上只有几片青瓜及两片车厘茄，有点 dry 咯。
西班牙伊比利黑毛猪火腿熟成 24 个月，哗 ﹗个名够晒劲 ﹗味道比巴马火腿更浓，而油份更加丰富。但我真系食唔到有橡果香或味道，但橡果到底系咩味架？哈哈。以我个人口味而言，我真系好需要有旧非常 juicy 而味道清甜既蜜瓜或哈蜜瓜同时放入口一齐食架 ﹗不过依家一啖火腿一啖甜白酒都还可以啦 ﹗甜更能带出火腿既咸香，感觉好爽架 ﹗真阴功，无蜜瓜无哈蜜瓜又无无花果，唯有用生菜青瓜配火腿啦，惨 ﹗
海鲜并盘，法国睡蟹半只、法国蓝青口 10 只、加拿大翡翠螺 4 只、纽西兰龙虾仔 2 只及熟虾 4 只 ﹗种类都几多㖞。我最钟意食海鲜架喇，食家 8 名，点分好呢？呵呵呵。
加拿大翡翠螺，恭喜晒 ﹗第一位 ﹗应该系全个并盘最好食架喇。味道鲜而肉嫩带海水味，质感又软棉，Good ﹗不过依个唔系冷盘黎咩？暖暖地㖞，哈哈哈 ﹗
纽西兰龙虾仔，第二位系龙虾仔，虾肉嫩带香浓香草牛油味，虽然浸得有点过火，偏咸左少少，都合格啦 ﹗第三位就系熟虾，味道较淡，肉质微爽，不过不失啦。
法国蓝青口，并无作任何调味，烚得有点过火，开始粉口而弹力不足。点解咬落青口度会咁多水既？味道似溶雪既水㖞，怪怪的。
法国睡蟹，我好钟意食蟹，但系一向不太喜欢睡蟹，所以可能未食已经扣点分数，我系花蟹、红蟹、奄仔蟹、大闸蟹、三点蟹、雪场蟹、毛蟹既 fans 黎架 ﹗依只睡蟹蟹膏算丰富，质感硬而散，带重海水味道，甘香度及质感较为逊色。蟹肉实而干，鲜甜味及肉汁欠棒，免免强强啦 ﹗
生蚝并盘，今晚有法国、美国及爱尔兰。各食家都无咩所谓，连我地位蚝后都话随便，所以交比侍应哥哥发板啦 ﹗
半打爱尔兰premium 及半打美国 blue point，侍应哥哥作此选择真系估佢唔到 ﹗大家都有点出奇了 ﹗我最爱系 Belon 同 Ribbon point，其次有 Irish rock、white pearl，对美国生蚝真系麻麻地，不过我劲钟意食美国桶蚝打边炉㖞 ﹗好味 ﹗侍应哥哥一轮介绍后，大家立即起动。两款蚝分别不太大，口感较实而裙边爽，都有淡淡既鲜蚝味道，不过 after taste 非常浅，Blue point 海水味比 premium 更浓。生蚝质量可以接受，都合格，size 就够晒大喇，味道不过不失啦，都好明白生蚝真系好睇个人口味既 ﹗
马稣里拉薄饼，热辣辣上枱，颜色卖相非常讨好，好靓㖞 ﹗大家都非常期待。擘大个咀，大大啖咬落去，大量既香浓芝士搭上酸甜既蕃茄酱撞得非常美味，再加少少既香草，简单又好食 ﹗薄饼边烤得脆脆的，好鬼香口㖞，但点解个饼底湿湿地又腍劈劈既？口感似上海小食葱油饼啰，即时分数大跌了，有点美中不足。
炸鱼薯条？应该系炸鱼手指跟薯条呢。侍应哥哥都话不推介，但我地见个胃仲有大把地方，传闻话食得过，所以好奇心驱使下叫黎试啰。炸鱼薯条？oh no ﹗急冻鱼手指干硬咸，而且炸得过火，如果点大量茄汁或沙律酱，应该会好食。另外，幼身长条形薯条，无咩特别，不吃也罢。
今晚试左 3 只白酒 2 只红酒，其实个名都系好难记得到，试过法国及意大利啰。第一口完全唔会涩，味道温和，全部都系偏甜，爱甜人仕啱晒咀形。虽然系甜，但果香不太出，味道纯而酒味淡，口感就稍为薄了点，我较爱饮 strong、酒味浓、厚身及有点 dry 既红酒，无法喇。
多谢店主今晚既款待及侍应兄弟姊妹既热情招待，饮饱食醉后，参观埋个厕所就可以走喇 ﹗行出后门，通过条短短既小道就到洗手间喇 ﹗后栏同洗手间既卫生程度都好满意，几干净㖞 ﹗厕所格好宽躺，两个人一齐都可以㖞，哈哈。
张贴
