影片
更多
2019-11-28
1029 浏览
今日选择呢间福川食晚餐，呢度有分铁板烧套餐，同Omakase套餐，分别有$1488同$1288。我就拣左$1288既「福」。上菜次序系会冷热交替，呢次侍应都细心介绍菜式，另外亦密密加茶，服务非常好。背景播住音乐盒音乐，氛围令人放松。呢度有寿司吧又有铁板烧吧，餐厅几大，可以容纳几多客人。<前菜>首先系前菜三点。海蜇红萝卜，海蜇好爽口，酸酸味味好开胃。椰菜花豆腐，口感较粉，唔似正常豆腐咁滑，好特别。花螺，浸系豉油入面，用竹签吉出黎，有咬口。<刺身>平木鱼，作为白身鱼，有咬口，味道较淡所以以土佐醋调味。双烧吞拿鱼，配黄芥末果醋汁，唔会好辣，反而甜甜酸酸，上面系洋葱、京葱、白葱，令酸甜中带葱辣，味道好丰富，更凸显鱼既鲜味。烟带子，好有视觉效果，一打开盖就烟雾弥漫，烟散开后就见到舖上金箔既带子，厚肉得黎又鲜甜嫩滑，配辣辣地既墨西哥尖椒酱，上面系爽口酸酸地既Salsa，系一道fusion菜。<煮物>豚角煮，好耐无食过东坡肉，用独有既酱汁，配上萝卜，煮得好入味。呢度既豚角煮就系东坡肉更嫩更软腍版，入口既溶，好似饮左啖浓汤咁。<寿司 Part 1
<前菜>
首先系前菜三点。
海蜇红萝卜，海蜇好爽口，酸酸味味好开胃。
椰菜花豆腐，口感较粉，唔似正常豆腐咁滑，好特别。
花螺，浸系豉油入面，用竹签吉出黎，有咬口。
<刺身>
平木鱼，作为白身鱼，有咬口，味道较淡所以以土佐醋调味。
双烧吞拿鱼，配黄芥末果醋汁，唔会好辣，反而甜甜酸酸，上面系洋葱、京葱、白葱，令酸甜中带葱辣，味道好丰富，更凸显鱼既鲜味。
烟带子，好有视觉效果，一打开盖就烟雾弥漫，烟散开后就见到舖上金箔既带子，厚肉得黎又鲜甜嫩滑，配辣辣地既墨西哥尖椒酱，上面系爽口酸酸地既Salsa，系一道fusion菜。
<煮物>
豚角煮，好耐无食过东坡肉，用独有既酱汁，配上萝卜，煮得好入味。呢度既豚角煮就系东坡肉更嫩更软腍版，入口既溶，好似饮左啖浓汤咁。
<寿司 Part 1>
头三道寿司鱼味都超浓，口感就越来越软。
金目鲷，爽口，油分满满。
梳子鱼，比较少听，原来口感比金目鲷更软，鱼油一样旺盛。
深海池鱼，有独有油润鲜甜。
<烧物>
蛋黄酱烧春鱼，松子仁。口感特别，鱼肉结实，配合蛋黄酱令入口更滑，蛋黄酱上面既松子仁。
<寿司 Part 2>
黎到Part 2，味道由𫚕鱼腩既油脂味带起，再转为爽口，最后由无敌既拖罗作结。
𫚕鱼腩，超油黏。
花鱼，味道较淡，爽口为主，令口腔准备好迎接赤贝。
活赤贝，超爽口，味道鲜美，好滋味。
酱油拖罗，熟成，上面黄芥辣，不用点豉油或芥末，作为呢度既招牌菜，真系极品，一咬感觉系口入面爆油！
<吸物>
鱼油清汤。味道真系非常清，入面有鱼糕。
<寿司Part 3>
迷你海胆杯，饭量大概一两件寿司。海胆份量多，味道够鲜甜，大大啖入口超满足！
<甜品>
日本夕张蜜瓜，日本雪梨。超级多汁，味道超甜，甜度好比平时加晒糖既雪糕同浓缩果汁，无可挑剔！
张贴
