南駅 (已結業)

呢间餐厅将一啲我哋成日食嘅食物用摆盆高级化晒。佢嘅食物系好食，但更重要系因为卖相非常之靓提高左用餐嘅满足感。海南鸡食入去油而不腻，肉质嫩滑，但稍为嫌佢唔够香。油饭亦都系，有色但唔够香。豉油用嘅系甜豉油，少少杰，咸甜适中，但系唔够多，唔够捞饭食。海南鸡饭仲有蒜蓉酱同酸辣酱，两样都冇咩特别。我𠮶餐仲有跟一壶汤，同样地，摆设摆得好靓但系冇乜味。汤入边有汤咋，有一旧雪耳可以食。呢个海南鸡饭加埋个汤份量啱啱好够一个人食。