大埔煮廚

营业中

休息中

黎到大埔熟食中心揾食，我谂大部分人都会食面啦！因为我唔系住大埔，唔熟呢度有咩食，所以我成层行左一转，睇晒有咩食先拣。见到一间餐牌写得好清楚食物同价钱，而且价钱非常公道，我就决定试一试佢。前言讲完，入正题。我地叫左一个常餐：五香肉可午餐肉米粉，配奶油脆猪，黑松露炒蛋，热杏仁霜。全部食物饮品味道都好正常茶记咁，我谂黑松露炒蛋出现喺茶记应该比较少见。个炒蛋ok 上面放左成一茶匙嘅黑松露，$39 呢个价钱都唔错。杏仁霜都系正常，本人对杏仁霜有份执著，宜家好少茶餐厅冲得好饮，有d 直程冲到好淡，有d 就会冲到好杰，我嘅标准系当杯杏仁霜有少少冻时，面头会结左一层薄薄嘅奶膜，为之浓杰适中。另一个叫左一份下午茶餐：炸鱼柳薯条，热奶茶，估唔到茶记都会摆盘咁用心佢将两块鱼柳叠上薯条上面，放喺一只白色大圆碟，旁边用茄汁同沙律酱简单地点缀一下。鱼柳炸得香脆粉唔厚，但肉质偏淋，薯条系粗条，都唔错。