影片
更多
2021-02-02
1962 浏览
一入门口就感受到呢间钟菜馆嘅用心。装潢摆设舍弃金碧辉煌，而系走清新带艺术气息嘅路线，由挂墙装饰到走廊摆设就似一件件展品，黎用餐之余，不防细心欣赏下 ~烧鸭拼炒面组合烧鸭例牌份量4人食都够! 皮好脆，带少许脂肪，汁嘅调味恰到好处，好欣赏垫底嘅蚝油豆，而家好少地方有得食，大爱!炒面正常水准，爽身弹牙，虽然唔系惊艳，但都冇惊吓地多油。虾饺(逐粒计)虾饺好多地方都做得好食，但有做得咁靓仔唔系经常见。稍大只嘅虾饺，好精致嘅锯齿边，工工整整嘅10折清晰可见，圆碌碌好饱满透出虾嘅颜色，只系我影唔出佢有几靓仔 😅 而味道完全衬得起佢嘅颜值!金砖豆腐(唔记得系咪呢个名)亦系一个好多地方都有得食，但又唔系间间整得好食，而呢一个肯定系食过最好食之一! 最起码个皮系小女子食过最脆最有口感嘅一间! (份量系相中 + 3 件)。菠萝叉烧包稳阵之选，冇失望，菠萝皮松化，叉烧馅正常，如果叉烧馅可以多番D就更好，而家有少少半空心。胭脂红米肠即系类似炸俩入面包住D虾，佢脆果部份，外面包左肠粉入面卷住D虾都仲系好脆，肠粉部份算滑。合桃包呢个手工就一般，不过味道搭够，个馅好好味㖞，唔会太甜，有好多合桃同芝麻玫瑰枣皇糕玫瑰应该
烧鸭拼炒面组合
烧鸭例牌份量4人食都够! 皮好脆，带少许脂肪，汁嘅调味恰到好处，好欣赏垫底嘅蚝油豆，而家好少地方有得食，大爱!
炒面正常水准，爽身弹牙，虽然唔系惊艳，但都冇惊吓地多油。
虾饺(逐粒计)
虾饺好多地方都做得好食，但有做得咁靓仔唔系经常见。稍大只嘅虾饺，好精致嘅锯齿边，工工整整嘅10折清晰可见，圆碌碌好饱满透出虾嘅颜色，只系我影唔出佢有几靓仔 😅 而味道完全衬得起佢嘅颜值!
金砖豆腐(唔记得系咪呢个名)
亦系一个好多地方都有得食，但又唔系间间整得好食，而呢一个肯定系食过最好食之一! 最起码个皮系小女子食过最脆最有口感嘅一间! (份量系相中 + 3 件)。
菠萝叉烧包
稳阵之选，冇失望，菠萝皮松化，叉烧馅正常，如果叉烧馅可以多番D就更好，而家有少少半空心。
胭脂红米肠
即系类似炸俩入面包住D虾，佢脆果部份，外面包左肠粉入面卷住D虾都仲系好脆，肠粉部份算滑。
合桃包
呢个手工就一般，不过味道搭够，个馅好好味㖞，唔会太甜，有好多合桃同芝麻
玫瑰枣皇糕
玫瑰应该只系讲紧造型，味道我食唔出有玫瑰味，只有红枣同埋红枣 😍 要讲下佢嘅质感，系非常烟韧，我个人系非常钟意呢个质感
虽然数码港地点唔算方便，但因为附近环境优美，假日同屋企人当出游兼饮个茶都系一个非常好嘅选择
张贴
