南駅 (已結業)

朋友之前食过介绍话尼度嘅海南鸡饭好正，老远都要嚟试吓啦。个透明盘好大，所以望落错觉份量好少其实一个人食嘅话都一定够饱。清远鸡肉整得好嫩，鸡皮薄得嚟超爽滑一份出色嘅海南鸡饭，除咗鸡之外，饭亦担当重要角色。每粒沾满鸡油嘅饭入口特别香，饭质偏硬身有咬口。尼碗饭好大碗，满到成座山咁仲有汤跟埋添。若果你想指明要食鸡脾部位，或者鸡嘅份量多啲，绝对可以，当然价钱相对会贵啲啦。一碟有4件，拎到埋枱已经即刻闻到油香味，鹅肝几厚身吓，size都唔算细㖞，不过多士就焗得唔够脆口，咬落有少少韧。