林仔茶檔 (已結業)

收工想食返个平靓正嘅饭，我谂好多香港人都会选择茶记🫖 今次呢间《林仔茶档》卧虎藏龙，大厨曾经凭茶式二弄虾球拎过米芝连🏆！今次就试埋佢嘅其他菜式😋🥟 上汤菜胆云吞鸡配米粉（$89）当晚店员推介云吞鸡，我哋就叫咗嚟试😋 上汤清甜，云吞同鸡肉索晒啲汁都好香好滑！连底下嘅时菜都宁舍好味🤤而且呢个𩠌嘅营养均衡，大推🌟！🥩 铁板牛眼扒配意粉 （$89）呢度仲有多种铁板餐，今次我哋就叫咗牛扒，可以选配饭或意粉，酱汁除咗黑椒汁仲有超多选择㗎🤩！呢个餐份量超大，上枱嘅时候滋滋声，钟意食铁板嘅唔好错过喇💗🐥 沙姜鸡（$118/半只）林仔仲有多款鸡菜式，包括驰名嘅辣子鸡、口水鸡等等，今次我哋就叫咗平时比较少见嘅沙姜鸡😚 呢只鸡一样嫩滑，又有麻油香，有一鼓辛辣又唔会抢去鸡香😋🍻蓝妹啤酒（叫沙姜鸡赠送）🍋热柠檬蜜（跟餐免费）🍋冻柠茶（+$3）🍲中汤（跟餐免费）下次要再嚟试埋米芝连二弄虾球、炸子鸡、咕噜猪颈肉、椒盐鲜鱿、太极鸳鸯饭、菜远排骨米⋯ 仲有好多想食🤤！