大記攦粉糕點專門店 (已搬遷) 新店位置

先从杂志上看到，又要到太子食饭，不其然想到此试试。同太太俩个，分别叫鲮鱼球攦粉加冻柠茶、炸墨鱼卷攦粉加冻奶茶、再加两件萝卜糕。呢道o既攦粉比较粗身而且较实净，有口感之余，又保持到烟韧。值得一赞！鲮鱼球够味，又唔会太油腻，唔错o既选择。但原来系镇店之宝之一...炸墨鱼卷好好味，爽口弹牙，不过唔系几适合做，送唔到粉，做小食可能好o的！？萝卜糕出色，味道浓郁而且馅料丰富，同一般食到o既萝卜糕唔同，佢o既萝卜丝比较多，真正带出萝卜o既味道，而唔系一味食粉！最最最可惜，唔够热...饮品不过不失，合格。份量唔少，$20 蚊算抵食，饮品加$5 冻热同价㖞。