影片
更多
2021-05-27
2165 浏览
今晚朋友约食饭，佢话带我食串串锅。 听到觉得有d新意，咁我就话好呀。而家先知道，原来呢幢大厦系有嘢食嘅。 一出䢂就见到就见到大大个招牌， 价钱仲好抵添。上到黎已经好多人，呢度地方唔大唔细，坐得都算舒服。出面有两个雪柜，左边雪柜就自己夹，另一边就已经整好一串串。饮品甜品同雪糕都系自己攞，所有嘢都系任饮任食。先拣汤底，朋友拣左药膳胡椒鱼肚汤。呢个汤底都重胡椒味，但系又唔太辣。里面仲有啲鱼肚，食落都已经入晒味。呢度种类非常多，一般打边炉配料都有。丸味道ok，菜选择唔多，但胜在够干净。我就特别钟意两款腐皮，咬落去芝士味特别浓。另外蟹柳亦特别长，仲有一款用胶袋包住，朋友以为系糯米糍。但睇真d上面写住火锅配料，其实系汤圆，但果样似麻薯，差d佢就生食。汤丸有芝麻同花生味，两个都几好食。整好一串串果d，种类都多架。一串串食起上嚟都几方便，唔会散开晒，唔驶特登揾返掉咗落去啲配料。呢个我就特别钟意食𠮶啲鱼串，有汤底味道，原汁原味，几好味。除咗出面嘅配料，仲可以用柯打纸点。 我哋就点咗安格斯肥牛，黑豚肉片，串串泡椒牛，鱼皮饺同豆腐。肥牛唔算太肥，口感都几好。黑豚肉片猪味较浓，渌得比较耐又唔会觉得韧，亦唔觉得
而家先知道，原来呢幢大厦系有嘢食嘅。 一出䢂就见到就见到大大个招牌， 价钱仲好抵添。
上到黎已经好多人，呢度地方唔大唔细，坐得都算舒服。
出面有两个雪柜，左边雪柜就自己夹，另一边就已经整好一串串。饮品甜品同雪糕都系自己攞，所有嘢都系任饮任食。
先拣汤底，朋友拣左药膳胡椒鱼肚汤。呢个汤底都重胡椒味，但系又唔太辣。里面仲有啲鱼肚，食落都已经入晒味。
呢度种类非常多，一般打边炉配料都有。丸味道ok，菜选择唔多，但胜在够干净。我就特别钟意两款腐皮，咬落去芝士味特别浓。另外蟹柳亦特别长，仲有一款用胶袋包住，朋友以为系糯米糍。但睇真d上面写住火锅配料，其实系汤圆，但果样似麻薯，差d佢就生食。汤丸有芝麻同花生味，两个都几好食。
整好一串串果d，种类都多架。一串串食起上嚟都几方便，唔会散开晒，唔驶特登揾返掉咗落去啲配料。呢个我就特别钟意食𠮶啲鱼串，有汤底味道，原汁原味，几好味。
除咗出面嘅配料，仲可以用柯打纸点。 我哋就点咗安格斯肥牛，黑豚肉片，串串泡椒牛，鱼皮饺同豆腐。肥牛唔算太肥，口感都几好。黑豚肉片猪味较浓，渌得比较耐又唔会觉得韧，亦唔觉得佢肥，质感唔错。串串泡椒牛个泡椒，即青椒都几辣。
食到饱梗系开始食甜品啦，呢度甜品有豆腐花同埋雪糕，雪糕有云呢拿，朱古力，同香芋味。呢只牌子我都系第一次食，香芋味几好食，我同朋友都食左两杯。
张贴
