泰邊爐 (已結業)

庆祝朋友生日，佢拣左呢间餐厅，佢话之前来过好好食，想再　encore, 我亦都好期待。我早到左在门口等，见到好多泰国装饰，电视亦都系播著泰片，lift 口挂住几幅明星到过这间店，分别有邓丽欣，李司棋﹠家燕妈妈，令我更加充满期待。餐厅其实都系任食形式，海鲜就跟人头份量，出面有自助吧，同样亦都非常泰，有虾片﹠一些泰式糕点！寿星女选了冬阴公鸡煲，个鸡好大件亦好滑。冬阴公汤底味浓，但不会太酸辣。同时亦有生菜包﹠泰式凤爪附上。个海鲜拼盘好体头，饱鱼，带子，虾，青口，蚬﹠螺，非常新鲜，加埋个冬阴公汤底好入味！餐厅亦好慷慨，只要　like 佢地既　facebook page, 仲会送一杯泰式饮品，我选了椰汁冰，好有椰子香味又吾会太甜！