台灣麵

营业中

休息中

自从发现佢个二人餐，周不时都会同男朋友去食，因为分量都唔少。虽然加咗价，但系计返落都抵嘅。二人餐可以叫2个汤，1个菜，1-2个小食，2个主食同2杯台式饮品。我哋叫咗鸭肉羹、酸辣汤、肉燥小白菜、榨菜肾片、皮蛋豆腐、牛肉牛筋刀削面同牛三宝粗面。鸭肉羹都几浓郁，同埋有啲鸭肉，唔会太重口味几啱我。而酸辣汤就有酸甜辣嘅口感，入面有豆腐同木耳。而小白菜煮得啱啱好，唔会太软身或者爽口，加埋香嘅肉燥，每一啖都好满足。榨菜嘅酸辣味同嫩肾片嘅口感好配合，可惜今次嘅榨菜太多，无乜肾片。皮蛋豆腐我就一直都好中意。豆腐嘅滑嫩口感同皮蛋嘅鲜美味道完美结合，食落既清爽又开胃。重点系牛肉牛筋刀削面同牛三宝粗面。呢两道面食都有弹牙嘅面条同好多配料。牛肉同牛筋煮得软嫩入味。而牛三宝粗面就有浓厚嘅酱汁，加埋牛肉、牛筋同牛肚，真系算几丰富～嘢饮我就几推荐椰香胚芽，真系好香，又唔太甜，好好饮~ 可惜太饱饮唔晒