鳳城1954 (MegaBox)

营业中

休息中

点左个6人餐<品味宴> 印象中有燕窝海鲜汤羹 --好食，仲食到淡淡嘅燕窝味。龙趸两味-蒜蓉清蒸--可能全部起晒做球，大部分都系骨。-甜豆炒球--好食，肉质清甜。但有一旧盐炒唔匀循，我以为系肉，食咗落口，吐都吐唔切。炒荷兰豆花枝片 -- 正常，份量大。蒜蓉菜心-- 出奇比正常好食。菜心香甜。龙虾伊面-- 比较咸。金皮炸子鸡--同北角畀有啲失望，皮唔够脆，肉质咸，唔系偏咸，系好咸。凤城招牌炒饭- 都系正常，但系都系冇北角咁好食，唔知系咪食材嘅问题，冇咗好香嘅蕃茄味。奶黄莲蓉西米布甸--好食，正常发挥，奶黄好香，不过唔知系咪莲蓉唔够，咁啱我分唔到。希望贵店留意下落盐嘅份量，唔好咁重手。