龍記甜品

营业中

休息中

喺明星效应和网民嘅加持下，跨区嚟到观塘帮衬龙记甜品。当日9:30pm到达，排咗五张枱，等咗大约15分钟。如果打算食住糖水吹水嘅话，呢个未必系好选择，事关店舖位置较细，有啲逼夹，食完就要走人噜。本身想嗌合桃糊，但已售罄，所以选择杏仁露沟芝麻糊 + 木瓜炖雪耳（加芋圆)。芝麻糊尚算可以，有少少苦涩味，唔排除炒㶶咗🫢杏仁露比较出色，杏仁味很浓郁。如果喺两者之中选择，我会推荐杏仁茶。至于木瓜炖雪耳，芋圆份量多，唔算特别出色，表现平稳。总结来说，钟意食中式糖水嘅朋友可以一试，支持吓传统中式糖水店舖。个人建议食返招牌石磨三宝比较稳阵👌🏻