英記美點小食 (已結業)

价钱相宜，味道又唔错嘅小店越黎越少，难得今年米芝莲推介咗呢间传统香港食店，值得支持一下。复古巷仔云吞面 拼牛腩 ($30)云吞面系呢度嘅招牌菜，云吞一啖一粒，虾肉爽口弹牙，汤底系浓郁嘅大地鱼汤，但系食完觉得几口渴。牛腩相对比较失色，有d好难咬，有d又淋。六十年代捞面 ($25)呢度嘅姐姐同我哋大推六十年代捞面，捞面加咗猪油同韭菜，食起上黎非常香口但不觉油腻，银丝蛋面无碱水味，而且弹牙，食完真系几回味。烧卖、肠粉、粉果 ($20)呢度仲有好多地度小食，我哋叫咗一大碗share，包括：烧卖、肠粉、粉果，粉果系三样入面最好食嘅，入面嘅韭菜好香口。