好姐永安粿條

营业中

休息中

我自己不嬲揾食都钟意揾啲小店多过大集团嘅食肆，钟意佢比较用心制作，无咁倒模，千篇一律，而且往往会有惊喜. 今次喺大角咀揾食，虽然天时暑热，但我哋无选择在大型商场开餐，而喺去街上揾食. 见到这间好姐永安粿条，觉得应该几有家乡风味同个人特色，于是决定在这开餐，叫咗午市套餐的招牌活肉配粿条、麻酱拌面配家乡汤扁食，加配咗个猪肚丸、葱油生菜及自家制菊花茶，招牌活肉原来系猪嘅面珠墩来，上面放了老板亲自挑选嘅黄辣椒酱，好特别，两样嘢都系第一次食，黄辣椒味道偏辣，但配埋活肉食几夹，如果食唔到咁辣，但又想试少少点缀下可以叫佢另上.粿条滑身，外表似粉皮与肠粉皮嘅结合，配埋活肉食不错. 麻酱拌面，香浓而不腻，配衬有啲似小馄饨嘅家乡汤扁食来食，别有一番风味，这个汤扁食嘅汤底比较清，一问之下，原来是厨师的细心安排，因为觉得麻酱味偏浓如果扁食的汤底也是浓可能会互相抢咗，出嚟个味觉效果无咁好，依家一重一轻，一浓一清，出来嘅味道反而比较好. 至于猪肚丸，我又真系又系第一次食，肉丸内真系藏咗猪肚在内😱，增加了口感，好特别，咁都比佢谂到👍🏻. 自家制菊花茶，都几大支，而且饮完真系几清热嘅感觉，唔会好甜好似饮糖水咁，的确唔