瀧赤料理 (已結業)

因为收得夜，无咩选择，见小店收23:00，就第一次试食，叫咗第一round寿司，喜出望外觉得几好，推介玉子寿司（自家制），有浓浓蛋味，剑鱼腩同油甘鱼都唔错，寿司整体新鲜有口感，精致，系食得出用心整嘅。寿司以外，其他热食都ok，鳗鱼炒饭香、炒得干身，中意佢唔系好咸。个人觉得值得支持嘅小店，夜咗返屯门都有日本嘢食系一种温暖。但小店仍有进步空间，可以整啲更加招牌嘅菜式，例如啲日本蛋咁好食咪整个蛋嘅菜色，希望用心制作嘅小店可以留得住，屯门好食嘅餐厅买少见少了。