權記雲吞麵

营业中

休息中

北角一向美食多多， 今日小跳豆妈趁小跳豆返学， 去咗附近一间小店食云吞面。 小跳豆妈由细到大都钟意食云吞面， 贪佢又平又好味。 想当年我读书时期𠮶阵，仲食紧$14云吞面， 不过隔咗咁耐 ，有通胀等因素 ，$14 云吞面就好难见到啦。 但系今日都畀我揾到$20碗云吞面。 餐厅位于 渣华道体育馆斜对面， 细细间， 旧式装修， 胜在够经济实惠。 云吞面入面有四粒云吞，好足料，都算唔错。 一路食仲一路见到啲员工喺度亲手包紧云吞。 我亦都见到有啲熟客同啲员工有倾有讲，好有街坊人情味嘅感觉。 大家有兴趣就去支持下啦， 始终香港小店愈来愈少。