檀島咖啡餅店 (軒尼詩道)

营业中

休息中

听讲呢度嘅拿破仑好出名就嗌个。❤️拿破仑饼脆，合桃香，口感实净。加上少少忌廉，甜甜哋。见饼柜d卷蛋大大块几吸引又嗌个鲜香蕉斑兰卷蛋试下。❤️鲜香蕉斑兰卷蛋好厚身，份量十足！👍🏻卖饼姐姐话我知系用2磅新鲜香蕉整12件卷蛋。真材实料，无添加。一入口——嗯～😍食到香蕉嘅原味，有斑兰香，唔会好甜。香蕉同斑兰嘅味道好夹😋。忌廉唔会好漏。唔似出面果d香蕉蛋糕食得出香味同甜味都好假，应该系落左香精。❤️蛋挞饼皮用了酥皮制，十分酥脆可口😋。蛋呈金黄色，十分吸引😍有蛋香。卖饼姐姐话原味曲奇入面有果jam馅；朱古力曲奇入面有朱古力馅。我同朋友五点左右到，去到见原味曲奇卖晒，剩返朱古力曲奇，想试都冇得试😭，惟有嗌个朱古力曲奇啦。❤️朱古力曲奇钟意佢独立包装，买黎送比朋友/同事啱晒👍🏻！重有成只手咁大块！卖饼姐姐话我知原来餐厅楼上有工场，所有包饼都系自己出产。欣赏👍🏻不像大集团用机器大量制造。这里的一包一饼都是师传亲手造，充满人情味，是别处吃不到的味道。❤️鲜茄猪扒烩意粉除了鲜茄还有洋葱。意粉软硬适中。酸甜新鲜蕃茄为意粉添上水份。猪扒有几块，份量多。朋友另外嗌左鸡肉肠同炸鸡肶。❤️炸鸡肶🍗即叫即炸，皮脆肉嫩juicy🤤。