榴蓮王 (已結業)

其实香港都好多钟意食榴梿嘅人㗎，但系揾一间所有制品都系榴梿嘅店舖，真系少之又少。今次我哋就嚟咗一间油麻地嘅小店，品尝一下各式各样既榴梿小食啦～ 呢间小店，乜嘢榴梿制品都有，包括猫山王冰皮月饼， 但系好似中秋节已经过咗啰㖞。 呢度最出名嘅应该系个猫山王榴梿pizza，但我哋今次冇试呀，试咗其他榴梿小食。 老板系一个勇于创新嘅人，今次佢就发明咗呢个榴梿芝士火锅，我估都系全港独一无二挂。见佢咁有诚意，就叫咗呢个芝士火锅试一试啦。 一上到枱，香味已散发咗出嚟。榴梿同芝士本身都系一种好重香味嘅食物，佢哋沟埋一齐好似有有一种化学嘅作用咁，除咗香味之外，食落去味道仲更加浓烈，一啖一啖嘅榴梿香从芝士汁度散发出嚟，味道层次好独特。 榴梿梳乎厘 面头铺满咗一层嘅榴梿蓉，榴梿蓉非常之清甜，好味。而梳乎厘呢就外脆内软，而且里面蛋味浓郁，配合榴梿蓉，味道非常之夹， 冬天食，热辣辣，好暖心。 跟住就系呢个榴梿白雪米饼。呢个雪饼都系热食，外面好似糯米糍嘅一层饼，质感烟烟韧韧Q弹，好正，而入面充满左香甜既榴梿蓉，好好食。 食咗咁多嘢家要饮番杯嘢，湿湿个口啦。呢杯红毛榴梿汁，虽然叫榴梿但系唔系食开𠮶只榴梿味。佢味道反而