耆素銀杏館 (已搬遷) 新店位置

朋友本身食开素食，所以介绍我嚟「耆素」试吓。门口张贴好多爱心饭盒免费派发嘅单张，非常难得！入到店内职员即刻为我地准备pi 水排一排毒，相当贴心。坐低之后店员介绍舖头大部份特饮都系来自本港有机农场，咁我当然支持下叫咗一杯洛神花特饮。- 有机洛神花特饮（有气），味道非常清新，带有柠檬同山楂味，生津止渴。之后主菜叫咗个耆素杂扒餐同朋友share，上台非常震撼份量相当足够！各款未来肉要唔同形态烹调，食落口啖啖肉好满足，配合埋时令嘅沙律菜同秋葵，相得益彰。第二个share嘅嘢食系咖喱Risotto ，配搭豆苗同食用花朵，摆盘非常精美。我入面用咗西芹同甘笋，配搭未来肉所烹调，入口非常清新，口感一流，咖喱味道适中，食得出落足香料。食完主菜店员仲不停问我哋添唔添饮汤，相当贴心。整体来讲食物大部份系有机同埋唔加味精，所以我食完之后都唔会话好颈渴，所以应该会再次帮衬，同埋推介俾食素嘅朋友。