大師兄美食車 (已結業)

由美食车开波到已家，新闻播嘅都系佢地点蚀钱，营业额有几低嘅负面新闻！虽然部分系大财团经营，蚀极都唔心痛，但难为一啲小商户，每一日都蚀紧钱，仲要挨足两年，其实真系好心痛佢地！今日行过尖沙咀，见到佢地系文化中心隔离摆档，所以一于略尽绵力，买个试吓，帮吓佢地啦！大大个区旗插系个叉包上面，如果我系游客应该觉得几得意、几有特色！可惜我系香港人，无乜太大感觉！包身好软熟，鸭肉食落都好嫩滑，不过略嫌佢层皮唔够松脆。中间夹咗好多大葱，虽然同烤鸭几夹，但食完个口会好臭！而块黄瓜...嗯...影相嚟讲系好睇嘅，多啲颜色嘛！但我又唔觉得同个包好夹，可能由细到大食开嘅片皮鸭都无落呢样嘢，加咗反而觉得怪怪地 ！不过整体黎讲OK的，系价钱尽咗啲啰！