明華餅家

营业中

休息中

❤️香港嘅传统饼店已经越来越少，亦都证明咗香港嘅传统文化越来越少，尤其是饮食文化，好多人都只系挂住课金支持外国过嚟嘅过江龙，但就完全忽略咗本土最核心嘅饮食文化，例如茶餐厅，港式酒楼，同埋本土饼店等等⋯❤️今日经过旺角呢间饼家，明华饼家，忍唔住买返佢哋几个面包，喺旺角里面竟然仲可以买咁平， $10有3个包，简直系佛心价格！相信佢哋只系赚到好少钱，仲要挨好贵嘅租金！❤️可以见到厨房里面有一个伯伯负责整面包，以外面就系一个婆婆负责卖面包，男人负责粗重功夫，女人就系出面默默耕耘，两个一齐努力，唔系贪啲咩大钱，只系一生为生活努力。呢种态度，都好值得香港人支持及学习。❤️面包唔算好好食，一般质素，不过对住呢个价钱，算系CP值超级高， $10可以顶到三个早餐，算系超级好，喺香港都唔系经常可以揾到呢个价钱！❤️希望大家唔好挂住支持过江龙，例如拉面寿司烧肉韩式泰式日式，甚至其他过江龙超贵面包，反而要欣赏本土文化，欣赏返香港独有嘅特色小食及老店❤️❤️👍🏻👍🏻👍🏻👍🏻❤️甚至希望香港嘅品牌可以打出国际，而唔系比外国人赚晒我哋香港人嘅钱！多啲欣赏香港本来的自身文化👍🏻👍🏻❤️咁先至为香港加油！加油！