火鍋煮場 (已結業)

自从开咗个100蚊100支德国啤的Plan之后今次已经系第4次来打边炉，饮埋今次都仲有43支未饮，呢个$100 100支啤酒都真系好劲，9款啤酒之中我最钟意西柚啤，是相中左边𠮶3支橙色的，易入口而且酒精度又低，啱晒女仔饮。汤底叫了番茄牛尾汤，佢个番茄汤底好正，D牛尾亦好入味。侍应仲推介我地试吓个加拿大象拔蚌，味道又真系几好，侍应话加拿大象拔蚌嘅级数比加州的象拔蚌更高，口感更爽更鲜味，咁我地食落感觉上都真系几正，最紧要新鲜兼爽口。脆鲩片好爽口，渌一阵就食得。碟安格斯牛小排D脂肪纹好靓，牛肉味都好出。牛柏叶都OK，无雪捉藏味，几爽口。鲜虾云吞都好食，佢地自己包嘅，感觉上D馅料好新鲜。另外叫咗两份菜。