花都餐廳

喺铜锣湾返工，有同事介绍咗依间性价比极高，而且位置极方便嘅餐厅俾我。女朋友接我放工，本身有啲头痕食咩好，谂起同事介绍依间就脚嘅餐厅，就走去试下。一行入去就感觉好惬意，暗暗哋好有格调。首先送上枱嘅系罗宋汤，真系好有惊喜，个汤又热又足料，浓稠得嚟好惹味，酸酸甜甜配合得好好，饮完成个好开胃，可以准备食大餐。正餐我哋叫咗鸡扒同西冷牛扒，真系好好味，完全唔系普通冰室果种腌制过度嘅货色。个牛嘅黑椒汁好浓，但系又唔会抢咗个牛嘅肉味。个牛外脆内软，而且啲意粉好爽口，唔会淋。一啖牛一啖意粉，好快就食清光。鸡扒都几好食，鸡扒好嫩滑，唔会话好似有啲西餐咁要嚼好耐先吞到。最后仲有啫喱送，成个童年回忆返嗮嚟。我十分推荐喺铜锣湾返工嘅朋友收工嚟试下，因为又抵又方便。