手卷屋

营业中

休息中

最近有时收工会黎蓝田食下小食先返屋企，地铁出口个层选择越黎越少，就多左黎汇景5楼揾良心店。 呢条巷都有几间拣，睇完签上的波儿、好味鸡蛋仔，都系手卷屋岩口味D。手卷、寿司都系十几蚊起有交易，小食店既价位，估唔到行入去仲有得堂食，有几张凳唔洗立食咁惨，台上仲放好哂即弃筷子、豉油、wasabi同碟仔。见食评大赞玉子烧($11)，当然叫左，一落单就见店员即时放上网加热加酱汁，热辣辣咁上台。 甜蛋好软滑湿润，入面既饭都粒粒分明，配埋沙律酱几开胃。三文鱼腩反卷($25)比想像中细份，三文鱼腩系新鲜有油香既，饭同鱼生中间仲卷左块紫菜好有心机，不过个人觉得唔加紫菜可能仲好D。有时寿司瘾起，就算俾得起钱去日本铺头独食都仲要等位等上菜，想快快手真系做到立食寿司文化呢度真系几岩，材料新鲜有下次。