東寶小館 (已搬遷) 新店位置

放工心血来潮想食大排档小炒。由湾仔最近可以谂得起嘅呢就系北角街市呢间大排档啦。星期三夜晚，两位都要等差唔多30分钟先至可以入座。点左我最钟意食嘅烧芦笋无骨鸡翼－八只 ＄128，例牌炒圣子＄188 3只，仲有一个椒盐炒排骨，大爱，鼓椒炒蚬。炒圣子大碟抵食啦每次来都例牌必叫嘅，最紧要系每次都新鲜冇沙，仲要劲爽口。豉椒招炒蚬我个人觉得就比较辣嘅。椒盐炒排骨就正常野，冇乜特别。最钟意嘅烧芦笋无骨鸡翼啦，最开心就系一次一啖一只食晒。最难得就系入面𠮶条烧芦笋永远每次叫都系多汁唔干身嘅。