寶貝靚湯 (已結業)

翻工咁辛苦，收工可以饮碗冇味精既汤其实已经好满足。但系翻到屋企都已经抖到不得了，想饮口无味精的汤都唔系咁易架。好彩呢日系湾仔收工，见到呢间100%无味精的宝贝靓汤！用花胶同螺肉做材料去煲既汤，煲出黎非常鲜甜，饮落舒服唔会觉得口干，证明真系冇落味精。花胶又大片又滑，螺肉食落唔会太硬身重食到甜味，正！大大只的海虾，食落肉质都几结实，虾肉肉身鲜甜，而且个虾头劲多虾膏，食到成手都系膏同埋虾汁，但系好满足！果皮蒸鲍鱼，鲍鱼肉质弹牙，果皮唔算好重味，重食到鲍鱼的本身鲜味。不过食落唔算太甜，甜味稍为欠缺左少少。蒸贵妃蚌系我最爱的海鲜之一，因为佢个种鲜甜味真心系不得了。蒸既时间好似左左少少，食落唔算太熟，但系食落都可以接受，而蚌本身的甜味都加番分。呢盘花胶鸡，我真心估唔到自己食下食下竟然食左大半只鸡用浸煮方式烹调，所以食落好滑，鸡味出哂黎。不过花胶就咁放系碟上面有D干哂身咁，有D浪费左D花胶...食到最后加番少少淀粉质，一于叫个银针粉。面既汤底清甜，用黎配鸡食Fit哂。最后加个桂花糕清一清个味蕾，舒服哂又够哂饱，抵食！