影片
更多
2019-01-22
462 浏览
好耐冇同班朋友仔聚会，有时都想揾一日收工轻轻松松同啲朋友一齐食下饭，倾下偈、玩下board game咁。最方便就当然系去cafe啦，有齐食物同埋board game玩，仲可以舒舒服服咁样坐。今次朋友提议去到旺角金鸡广场楼上嘅to-gather cafe， 环境都算唔错，而且唔会太嘈，最适合同班朋友一齐聚会。而且最紧要嘅系board game嘅款式都唔少， 想玩乜都得。不过玩board game之前，就梗系要食啲嘢医下肚啦，收工真系好肚饿，我哋一行六个人。叫party set似乎比较抵，又有小食又有主菜，仲包埋任饮嘅特色饮品，可以边食边玩！先来两款特色饮品，分别系芒果梳打(芒亨)同埋柑桔柠檬， 一大壶咁上， 可以按自己嘅份量去斟， 同埋味道都唔错，尤其系柑桔柠檬，酸酸甜甜咁 ，一边食一边都饮咗唔少。先来一个田园沙律配胡麻汁， 望落都几丰富，有蕃茄、粟米、青瓜同沙律菜等等， 食落都几清新开胃。跟住嚟嘅就系即炸嘅芝士忌廉汁薯条， 同佢个名一样真系冇得输，除咗够晒香脆之外，个忌廉汁都几香浓， 非常惹味！然后仲有鸡肉串烧同埋猪颈肉，鸡肉嘅味道唔错，有少少碳烧味，而猪颈肉加埋秘制嘅泰式酸汁都几好食
最方便就当然系去cafe啦，有齐食物同埋board game玩，仲可以舒舒服服咁样坐。
今次朋友提议去到旺角金鸡广场楼上嘅to-gather cafe， 环境都算唔错，而且唔会太嘈，最适合同班朋友一齐聚会。
而且最紧要嘅系board game嘅款式都唔少， 想玩乜都得。
不过玩board game之前，就梗系要食啲嘢医下肚啦，收工真系好肚饿，我哋一行六个人。叫party set似乎比较抵，又有小食又有主菜，仲包埋任饮嘅特色饮品，可以边食边玩！
先来两款特色饮品，分别系芒果梳打(芒亨)同埋柑桔柠檬， 一大壶咁上， 可以按自己嘅份量去斟， 同埋味道都唔错，尤其系柑桔柠檬，酸酸甜甜咁 ，一边食一边都饮咗唔少。
先来一个田园沙律配胡麻汁， 望落都几丰富，有蕃茄、粟米、青瓜同沙律菜等等， 食落都几清新开胃。
跟住嚟嘅就系即炸嘅芝士忌廉汁薯条， 同佢个名一样真系冇得输，除咗够晒香脆之外，个忌廉汁都几香浓， 非常惹味！
然后仲有鸡肉串烧同埋猪颈肉，鸡肉嘅味道唔错，有少少碳烧味，而猪颈肉加埋秘制嘅泰式酸汁都几好食， 食落啲猪颈肉都几juicy！
之后就系炸物出场嘅时间，分别有泰式鱼饼、吉列虾、咖哩角同埋蜜糖鸡翼， 款款都炸得好香口，尤其是我最钟意嘅蜜糖鸡翼，炸得香脆之余，仲有肉汁，加埋甜甜地嘅蜜糖，忍唔住食多咗几只。
而朋友就比较钟意吉列炸虾，上面淋咗少少嘅日式酱汁， 个粉唔会太厚， 味道都唔错。
食咗咁多热气嘢，都系时候食番啲菜 ，而呢一个芝士焗蔬菜入面都几丰富， 有西兰花、粟米、甘笋等等， 芝士汁同埋西兰花嘅味道好夹，不过甘笋就略嫌硬咗少少， 如果可以煮淋少少就更好。
主菜方面我哋就叫咗鲜茄焗猪扒饭，同黑松露海鲜意大利饭。 一红一白嘅两个配搭，我就比较钟意食鲜茄焗猪扒饭，因为猪扒煎得香脆，底下嘅饭仲有炒过，食落好香口，而且加埋茄汁真系好啱送饭。
但朋友就钟意呢一个黑松露海鲜意大利饭，因为佢嘅海鲜真系好丰富，除咗表面睇到嘅大虾、鲜鱿、青口之外，底下嘅意大利饭仲加入咗 杂菌同埋蚬肉，捞埋一齐，食落好丰富好多层次，而且仲好香黑松露味。
每人都系百六蚊左右，对比唔少cafe嚟讲，呢个价钱都算抵食，而且仲食咗咁多款食物，亦都有埋board game可以玩， 下次都可以考虑再约朋友嚟呢度！
张贴
