影片
更多
2020-02-05
739 浏览
今日约左班大学同学见面, 为左方便大家搭巴士, 我地拣左四通八达既观塘区食晚餐。(虽然呢间餐厅都唔算好近观塘) 拣呢间餐厅, 一黎系因为要支持黄色经济圈💛 另一方面系因为听过呢度既食物质素几高。因为我早左少少到, 所以入到去可以仔细欣赏下餐厅既设计。可能我晚上先去, 所以觉得店内既灯光偏黄, 同埋比较昏暗, 但好似几浪漫?! 而我坐既位置隔离墙身用书既内页砌成, 而天花上亦钓左好多本书落黎。整体黎讲, 呢间餐厅好有文青feel。大门旁边的位置放左高枱, 客人可以透过玻璃望到街景。如果放假既时候, 一边叹住咖啡, 一边望住街上的途人, 好似好写意。我地三个人所以叫左三个餐share食, 而一set晚餐既价钱由$128 - $168 不等, 包括汤, 主菜同埋饮品。讲真, 性价比算高既, 不过如果每个餐既份量都多番少少就更好。杂菜忌廉汤跟餐送的餐汤, 质地比较稀, 不过味道还可以。汤中间加左少少芹菜粒?! 同埋少少萝卜粒, 令个汤多D口感。巴拿马火腿薄饼配自家制茄酱 ($148)Parma Ham Pizza呢个pizza 上枱时, 我系有少少失望既, 因为Parma Ham既份量实在少得
因为我早左少少到, 所以入到去可以仔细欣赏下餐厅既设计。可能我晚上先去, 所以觉得店内既灯光偏黄, 同埋比较昏暗, 但好似几浪漫?! 而我坐既位置隔离墙身用书既内页砌成, 而天花上亦钓左好多本书落黎。整体黎讲, 呢间餐厅好有文青feel。大门旁边的位置放左高枱, 客人可以透过玻璃望到街景。如果放假既时候, 一边叹住咖啡, 一边望住街上的途人, 好似好写意。
我地三个人所以叫左三个餐share食, 而一set晚餐既价钱由$128 - $168 不等, 包括汤, 主菜同埋饮品。讲真, 性价比算高既, 不过如果每个餐既份量都多番少少就更好。
杂菜忌廉汤
杂菜忌廉汤
26 浏览
0 赞好
0 留言
跟餐送的餐汤, 质地比较稀, 不过味道还可以。汤中间加左少少芹菜粒?! 同埋少少萝卜粒, 令个汤多D口感。
巴拿马火腿薄饼配自家制茄酱 ($148)
Parma Ham Pizza
巴拿马火腿薄饼配自家制茄酱
$148
27 浏览
0 赞好
0 留言
呢个pizza 上枱时, 我系有少少失望既, 因为Parma Ham既份量实在少得可怜, 成个pizza 只有3块, 即系我同朋友一人一块… (而火箭菜都系得三块) 而且上菜前都无将pizza切开, 所有野都系由客人自己黎, 令我对呢块Pizza既第一印象麻麻地。
Pizza饼底比较薄身, 所以可以烤到好脆身。佢既蕃茄酱味道几突出, 唔会太酸, 但同其他配料(芝士)既味道几夹。Parma Ham既咸香味唔错既, 不过都系果句, 份量太少…
火灸芝士安格斯肉酱饭 ($138)
Angus Ground Beef Rice
火灸芝士安格斯肉酱饭
$138
32 浏览
0 赞好
0 留言
呢个饭好好食, 肉酱既份量好足, 够你捞完饭之后仍然食到啖啖既肉酱。个酱既肉味好浓郁, 重牛味, 加埋芝士一齐捞, 口感好丰富。不过成个餐个饭量就相对较少, 女仔食应该岩岩好, 不过如果有男士, 可能会唔够食。
传统西班牙蛋饼 ($128)
Omelet Frittata the Classic
传统西班牙蛋饼
$128
31 浏览
0 赞好
0 留言
呢个西班牙蛋饼同我想像的有D唔同, 因为我之前食既西班牙蛋饼叫做Tortilla, 系用蛋, 薯仔同埋洋葱整成, 质地比较挺身。而呢度既西班牙蛋饼就再加左Mozzarella, 红椒, 磨菇, 而且上枱时系用一个小煎pan 上枱的, 几特别。因为个pan边仍然好热, 所以店员都有温馨提示我地要小心唔好掂到。
个蛋饼比较软身, 用匙羹不起既时候有少少拉丝既效果, 芝士味几香浓。入面既薯仔粒煮到好淋, 唔需要点咬就溶左。另外就系佢个调味唔错, 每样食材既味道夹得唔错, 又唔会太咸!
Hoegaarden Rosee (+$16)
Hoegaarden Rosee
$16
29 浏览
0 赞好
0 留言
呢度+$8就可以升级到价值<$36既饮品; 而加$16就可以升级去所有饮品, 所以我地每个人都加钱饮啤酒 XD 我地都不约而同咁拣左 Hoegaarden Rosee 呢只白啤。我想试呢只酒好耐架啦, 因为听讲话唔太饮得既人都接受到, 毕竟酒精浓度只有3%。第一啖饮落去, 似饮紧酒味汽水 lol 味道算系甜, 且带小小酸, 无乜啤酒既苦涩味, 所以几易入口。
巧克力布朗尼 Chocolate Brownie
巧克力布朗尼
24 浏览
0 赞好
0 留言
跟餐赠送既甜品, 虽然外表其貌不扬, 但其实几好食。呢个甜品细细旧 (大概系一只麻雀咁大), 质感较厚实硬身, 而表皮亦干到爆开左。不过咬落去就会发现中间位置唔似表层咁硬, 反而有少少淋糯, 整体黎讲都几重朱古力味。
最后有少少surprise既系去左8点松少少, 店员就行过黎温馨提示我地8:30pm就last order, 9点就会关门。(估唔到香港地仍然有餐厅既晚市咁早收工!) 我再check下呢度既opening hour, 原来星期六日仲夸张, 晚上7点就收工了! 完全唔做晚市! 不过对于员工黎讲都系好事, 起码做到 work life balance。欣赏!
张贴
