影片
更多
2024-02-23
1577 浏览
(回忆系列第一集)香港地经过疫情之后，好同差嘅餐厅都褶埋不少，究竟有几多间餐厅，经营四十年仍然屹立不倒? 连牌头都无转?有嘅话请留言通知! 唔该哂!点解我有哩个念头? 全因为近期要去旺角返学，经过上海街惊觉新广南仍然营业! 一见到门面，满怀回忆返哂嚟!回带返到80年代! 当年系旺角读小学，日日放学都会经过新广南，再行去前少少嘅33A巴士站搭车，当年上海街仲系双向行车，33A仲系大角咀码头开出!最最最难以忘记，就系当年暗恋嘅小情人都系搭33A，所以放学点屎都飞奔去33A巴士站，为的是见小情人一面! 每次见小情人都会心跳加速! 我纯品又怕丑嘛..... 四十年过去，于是忽发奇想，究竟依家仲有几多餐厅仍然生存紧呢? 当然鬼唔知 Peninsula 过百年历史咩，但我想做一个回忆记录，系小学时已经见过或者帮衬过嘅贴地餐厅，就算转咗牌头都好，就算唔好食服务差都好，做吓个人记录.门面，四十年来无太大变动，入面装修同待应有无变动我唔知，因为从来未帮衬过，但好明显曾经翻新，睇到上半墙同天花思零新但墙身下半部旧.打开本 Menu，本 Menu 都好新吓，点咗罗宋汤，海南鸡跟油饭，沙嗲牛肉半份，鱼香茄子
香港地经过疫情之后，好同差嘅餐厅都褶埋不少，究竟有几多间餐厅，经营四十年仍然屹立不倒? 连牌头都无转?
有嘅话请留言通知! 唔该哂!
点解我有哩个念头? 全因为近期要去旺角返学，经过上海街惊觉新广南仍然营业!
一见到门面，满怀回忆返哂嚟!
回带返到80年代! 当年系旺角读小学，日日放学都会经过新广南，再行去前少少嘅33A巴士站搭车，当年上海街仲系双向行车，33A仲系大角咀码头开出!
最最最难以忘记，就系当年暗恋嘅小情人都系搭33A，所以放学点屎都飞奔去33A巴士站，为的是见小情人一面! 每次见小情人都会心跳加速! 我纯品又怕丑嘛.....
四十年过去，于是忽发奇想，究竟依家仲有几多餐厅仍然生存紧呢? 当然鬼唔知 Peninsula 过百年历史咩，但我想做一个回忆记录，系小学时已经见过或者帮衬过嘅贴地餐厅，就算转咗牌头都好，就算唔好食服务差都好，做吓个人记录.
门面，四十年来无太大变动，入面装修同待应有无变动我唔知，因为从来未帮衬过，但好明显曾经翻新，睇到上半墙同天花思零新但墙身下半部旧.
打开本 Menu，本 Menu 都好新吓，点咗罗宋汤，海南鸡跟油饭，沙嗲牛肉半份，鱼香茄子煲.
见到甜品系什么新广南之宝，卖相唔错，点咗一客.
优点:
1, 环境新净阔落舒服.
2, 沙嗲牛肉用铁板上，一见到铁板就必定要发出咋咋声，眼前嘅铁板咋咋声，达标!
3, 沙嗲牛肉算叫做 Juicy，再煮就过火，所以一上枱即刻抽起放埋一边，唔好再接触铁板.
4, 罗宋汤唔算优质，但最起码唔系水汪汪.
缺点一大堆!
1, 加一服务费但系无服务，两位阿姐脸黑悔气又头发蓬松洗碗阿姐个 look 都优胜过佢! 放低个餐系掉落枱! 都算! 连落 order 都搅错! 仲好意思收服务费?
2, 早两日先去土瓜湾来泰巷食海南鸡同沙嗲，简直天堂同十九层地狱! 先讲海南鸡，份量少偷工减料，鸡肉同鸡皮唔够嫩滑，女友小熊咁奀皮D皮都滑过佢! 油饭好过只鸡，需要油饭外貌唔得，但食落又几好味，好似我咁外貌唔得但食落几得!
3, 鱼香茄子无鱼香.
4, 沙嗲牛肉 okay但沙嗲汁唔得，味唔够浓.
5, 叫得新广南之宝，你以为系好嘢? 有相有真相啦! 只得两个波 (女友小熊指正我话雪糕系叫两球!) 雪糕，实物同相完全两回事! 味道又一般，中坑中伏啦!
6, 吸引力法则，D女待应古古怪怪，老板又似带眼镜马云，吸引咗D古怪人嚟帮衬，坐咗系女友小熊后面枱自言自语，又闹政府又闹财政司，又后又大大声揾老板吹水，四眼马云爱理唔理，都算! 点知个古怪女待应放低个餐俾佢，话厨房搅错雪菜变榨菜! 我几惊古怪人会不满发火殃及池鱼，搅著女友小熊! 大家都知女友发火非同小可! 连佢自己都唔知后果会点......
我唔想学你隆机咁要探女友监啰......
所以.... 相信以后都唔会再帮衬了.
张贴
