潮福蒸氣石鍋 (已結業)

放题大家食唔少，但又有几间食完之后会真正觉得物有又或者系物超所值呢？以自己经验而言，任食放题冇错真系选择好多，但食物质素就十居其九强差人意，不过偶尔都有例外嘅，最近一次食潮福嘅任食任饮海鲜宵夜餐，小弟非常满意，所以要写翻篇食评表扬一下佢地呢个套餐。海鲜并唔系任食，系有限制嘅，有两个海鲜刺身组合。第一组合系四样拣三样，可拣贝壳盛盆、烧乳鸽、海鲜刺身及生猛龙虾(2选1项目)，跟住有九款海鲜任拣四款，同枱食客不论人数多少，第二组合只能拣四款。饮品任点任饮，有汽水、啤酒及干国芒果汁。生猛南非龙虾、龙趸肉南非龙虾仲系活跳跳嘅，蒸五分钟可上碟，爽口鲜甜，并非波士顿平价龙虾可比。龙趸肉鲜味十足烧乳鸽只鸽啲肉好香滑，但上碟时略为凉左啲。大连鲍鱼有唔连手指小朋友嘅手掌大细，超爽甜，任食都有咁靓货，好少见！贝壳盛盆全部都系鲜活，蒸完开口笑嘅靓野。有马贝同钻石蚬等贵价货，任食都无马虎。刺身拼盘有甜虾、北寄贝及八瓜鱼等，只系叫左一人份量，有成九件，份量好大。象拔蚌仔鲜甜肉爽好新鲜。圆贝粒肉直径未蒸有吋半，半吋厚，任食任饮有此靓野，夫复何求。食完海鲜饮埋汽水已经饱左八成，但系唔食下啲任食嘅和牛、蒸鸡、丸类咁有点