彩雲軒 (已結業)

亚波真系客气，送个奥巴马都戴紧嘅fit记牌运动表俾我做生日礼物。我不嬲都好颈锡d野，于是委托阿永同我订购左d保护贴同保护套。上星期我唔喺香港，佢交左俾星爷先，真系唔该晒阿永。约星爷饮茶，佢叫我嚟喱间彩云轩顺便攞货。好，顺便见吓佢个新抱亚嫣。我好少嚟将军澳，揾好耐至揾倒。去到星爷至话亚嫣唔得闲嚟，我darling即刻好失望，因为冇人同佢讲家乡话。好在星爷个孙有嚟(星爷叫个孙做小乌鸭，我darling成日喺屋企闹星爷点解咁叫个孙)，我darling好happy咁同小乌鸭玩，争d唔记得食野添。好，叫茶再叫野食。茶壶印埋茶叶名，咁又好㖞，唔会搅错睇d餐纸，觉得价钱唔平，但d款式似乎几有创意。饿饿地，于是即时落单。冇几耐，突然侍应走埋嚟，目无表情高速话xx卖晒，冇问会唔会叫其他嘢代替就火速走左。哗，驶唔驶咁急呀，讲野温柔d好㖞。d贴心，乌冬同米粉味道都ok,蚌就靱左d。其间叫冲水，举手好耐都冇人埋嚟。到埋单时想攞张单，张单明明写住顾客单据，但侍应话唔俾得唯有影低喇。喱度d出品ok,但价钱唔平，同d服务唔太配合。