影片
更多
2016-11-04
244 浏览
估唔到我第一篇食評就俾咗呢間。今晚諗住試吓呢間偽文青食店啦，話晒新開，裝修又好似幾靚咁，斷估唔到會谷X氣！簡單嚟講，去到坐低，睇餐牌發覺係無set dinner嘅。唔緊要吖，見佢有個細餐牌寫住惠顧任何意粉或意大利飯，可以加$48配「手工麵包，菜湯，沙律，咖啡或茶」，又或者加$98配「手工麵包，菜湯，沙律，任何非酒精飲料」。我同女朋友於是叫咗一個軟殼蟹意大利飯，同個女待應講加$48配「手工麵包，菜湯，沙律，咖啡」，再叫咗個肉鬆炸苦瓜小食。問過侍應，得知跟餐配嘅咖啡係最basic果隻，唔係餐牌內嘅latte或cappuccino之類。唔緊要，就要最普通果隻。女朋友之後再單點一杯特式fruit tea。加$48轉果個餐，有「湯，沙律，手工麵包」南瓜湯無南瓜味，太杰。沙律菜唔新鮮，又苦又澀，柚子汁太甜，完全唔match。手工麵包表面無乜野，一拎起你會發現成個麵包底都係牛油，墊左吸油紙都索唔晒，太誇張軟殼蟹忌廉意大利飯配牛油果醬軟殼蟹唔夠熱，飯無味，牛油果醬都無味肉鬆炸苦瓜全晚唯一算係ok嘅野食，苦瓜甘，肉鬆甜，可以一試嘅MINT TEA RAW太甜，好香精味，無特別，標價$58...最basi
今晚諗住試吓呢間偽文青食店啦，話晒新開，裝修又好似幾靚咁，斷估唔到會谷X氣！
簡單嚟講，去到坐低，睇餐牌發覺係無set dinner嘅。唔緊要吖，見佢有個細餐牌寫住惠顧任何意粉或意大利飯，可以加$48配「手工麵包，菜湯，沙律，咖啡或茶」，又或者加$98配「手工麵包，菜湯，沙律，任何非酒精飲料」。
我同女朋友於是叫咗一個軟殼蟹意大利飯，同個女待應講加$48配「手工麵包，菜湯，沙律，咖啡」，再叫咗個肉鬆炸苦瓜小食。問過侍應，得知跟餐配嘅咖啡係最basic果隻，唔係餐牌內嘅latte或cappuccino之類。唔緊要，就要最普通果隻。女朋友之後再單點一杯特式fruit tea。
加$48轉果個餐，有「湯，沙律，手工麵包」
南瓜湯無南瓜味，太杰。沙律菜唔新鮮，又苦又澀，柚子汁太甜，完全唔match。手工麵包表面無乜野，一拎起你會發現成個麵包底都係牛油，墊左吸油紙都索唔晒，太誇張
軟殼蟹忌廉意大利飯配牛油果醬
軟殼蟹唔夠熱，飯無味，牛油果醬都無味
肉鬆炸苦瓜
全晚唯一算係ok嘅野食，苦瓜甘，肉鬆甜，可以一試嘅
MINT TEA RAW
太甜，好香精味，無特別，標價$58...
最basic嘅咖啡
話左加$48配咖啡或茶，點知到最後硬夾被收$16嘅咖啡。真心講，一啲都唔好飲，烘焙不當令到杯咖啡好酸，咖啡味唔出，唔夠濃郁，求其俾花奶而唔係咖啡奶，仲要無啦啦被收$16，飲到一肚氣
嘢食係點，講真，一般啦。唔太差，但亦唔會好到會令我哋有翻啅嘅念頭。
食完，埋單，問題就嚟。
軟殼蟹意大利飯$168，加$48配「手工麵包blahblahblah咖啡或茶」，肉鬆炸苦瓜$68，特式fruit tea$58，一共$342，加一，應該係$376.2，何解張單收我哋$385？即刻check單！發現佢哋收咗我杯咖啡$16，而杯fruit tea收咗$50。杯咖啡原先跟餐是free的，fruit tea餐牌顯示$58，單就顯示$50，好似平咗，實際上收多咗$8。
召個女侍應問啦，條女仲好笑，諗都唔諗就話咁分單啦，五分鐘唔洗就拎兩張新單埋嚟，一張顯示為$292.6（飯$168+轉餐$98，加一），另一張顯示為$138.6（小食$68+fruit tea$58，加一）話多謝$431.2！喂無野呀嘛，有冇帶腦返工？拎兩張單埋嚟計得仲貴過之前！分單加兩次一已經係問題，仲要計加$98配麵包同非酒精飲品？請問我哋幾時有話過加$98果款呢？
阿女侍應完全唔識反應，即刻叫第二個男職嚟解釋。佢話飯$168，小食$68，嘢飲方面電腦會自動計平得少啲果隻。
佢條數：飯$168+小食$68+轉餐$48，跟餐嘢飲電腦自動揀咗跟fruit tea因為平得少啲（喂多謝晒！）收我$50（比餐牌平$8，但變咗焗9我哋係加$98轉餐配非酒精飲品而唔係之前揀嘅加$48轉餐配咖啡或茶），單點咖啡$16，加一，總數$385
我條數：飯$168+小食$68+轉餐$48，咖啡跟餐$0，單點fruit tea$58，加一，埋單應該$376.2
電腦蠢，表面好似著數咗俾你，實質夾硬焗客人啃貴果隻。同佢反映有咁嘅問題存在，倒不如人手計數啦，點知職員仲要大條道理話一定要用電腦入，要同其他股東交待。真好笑，我去老麥叫餐，姐姐都會提下你如果咁咁咁散叫會平啲啦！呢間嘢，話佢知咁樣會收多客人錢，講完都要堅持佢哋係啱嘅，真係連老麥都不如。
奉勸各位想去食環境嘅，隨便。呢間嘢濫收費，唔係淨係我一個咁講，爬下文就知，有人之前拎個蛋榚出嚟影相都要收「雪餅費」。祝你地好運。
13 浏览
1 赞好
0 留言
张贴
