Check in Tokyo (已結業)

行过旺角见到呢间雪糕店好似几靓咁，就停低左望左两眼，见到有人买左杯雪糕，个筒系黑色几特别。个店员又话所有雪糕买一送一，咁见到佢原价写$30-$36一杯，咁就谂住买黎试下。我地排左一阵队，几分钟到，就到我地。本身男朋友想食波子汽水味，点知佢话未有，得士多啤梨、巨峰提子、朱古力棒子同北海道牛奶味。问佢系咪买一送一，佢又话加$10多一杯，唔紧要喇我地照买。（不过我心谂，咁咩叫买一送一？）我地拣左巨峰提子同朱古力棒子，然后佢又话「买一送一」限同味。咁我地就问佢咁可唔可以要两种味，佢话可以送既就两种味其中一种，咁我地就嗌左巨峰提子同朱古力棒子，然后佢话新年送一款公仔，我地求其拣左猫仔。收钱既时候收$56，完全唔知点解系$56。然后企系到等雪糕，好快就有喇，真系好快。不过好失望，佢先比左一个猫样既巨峰提子味竹炭筒，无错只有巨峰提子味，并没有朱古力榛子味！然后递多一杯求其揾个胶杯装既巨峰提子味雪糕。我地就同佢讲，头先落单你同事话一个巨峰提子加朱古力棒子，送就其中一只味。然后佢同个收银沟通完，叫我地补多$1，佢就收返杯胶杯装既巨峰提子，拎返杯胶杯装既朱古力棒子。完全无理到我地嗌巨峰提子味加朱古力榛子味