影片
更多
2010-05-31
10 浏览
记得6、7年前第一次帮衬铜锣湾潮楼，贪佢免茶芥加一，最钟意拣去北京道一号个间，因为有16:9维港景附送，可惜执埋！一大棚F.1旧同学，毕业后成20未见过，有心人决定搞局，最后连埋F.1老师，都砌到一围11人，今次拣哩潮楼，又系贪佢唔收茶芥加一啰，悭咗一截，可以叫多个𩠌嘛！经历咗咁多年，真可惜，免茶芥加一哩个做汰晌中式酒楼都成唔到潮流！11个人就人头𩠌，叫咗11个，加埋信用卡推广送嘅甜品，埋单都系$850，每人$77，虽然自觉潮楼出品质素唔系好高，属潮食初阶，平实无奇，又加咗好些非潮菜，仲卖埋点心添，但味道唔会好差，水准算稳定,。正如所叫嘅11个𩠌虽则都系大路嘢：海蜇手撕鸡、青瓜伴牛展、卤水拼盘、卤水鹅片、金华四宝蔬、竹笙鲜菌玉子豆腐、粒粒梅膏骨、大眼鸡、潮式煎蚝酪、糖醋煎面、方鱼肉碎粥，但大路得哩又见平稳，无话边道菜难食，简评几个菜式：卤水鹅片 - 卤水未致陈香醇厚，但嗒落唔呛喉，鹅片唔嚡口。方鱼肉碎粥 – 足料无悭皮，咸味啱啱好，米粒爆花不绵，基本潮州粥个样。潮式煎蚝酪 – 蚝粒唔大，但落得唔轻手，蛋皮薄薄，似饮早茶个D「薄罉」，食完碟面无剩油。好老实，要俾个笑真系好难，但睇番旧同学
11个人就人头𩠌，叫咗11个，加埋信用卡推广送嘅甜品，埋单都系$850，每人$77，虽然自觉潮楼出品质素唔系好高，属潮食初阶，平实无奇，又加咗好些非潮菜，仲卖埋点心添，但味道唔会好差，水准算稳定,。正如所叫嘅11个𩠌虽则都系大路嘢：海蜇手撕鸡、青瓜伴牛展、卤水拼盘、卤水鹅片、金华四宝蔬、竹笙鲜菌玉子豆腐、粒粒梅膏骨、大眼鸡、潮式煎蚝酪、糖醋煎面、方鱼肉碎粥，但大路得哩又见平稳，无话边道菜难食，简评几个菜式：
卤水鹅片 - 卤水未致陈香醇厚，但嗒落唔呛喉，鹅片唔嚡口。
方鱼肉碎粥 – 足料无悭皮，咸味啱啱好，米粒爆花不绵，基本潮州粥个样。
潮式煎蚝酪 – 蚝粒唔大，但落得唔轻手，蛋皮薄薄，似饮早茶个D「薄罉」，食完碟面无剩油。
好老实，要俾个笑真系好难，但睇番旧同学带哩嘅陈年大合照，玩咪人物竞猜谁是我，餐饭大家就俾咗好多个笑出哩！打个转，就过咗两个十年！
张贴
