正斗粥麵專家 (太古城中心)

营业中

休息中

昨日同啲朋友去咗呢间正斗食早餐，叫咗一碗泥鯭粥、两个皮蛋瘦肉粥、一碟豉油王炒面、一碗蒸萝卜糕，埋单要成五百几蚊。正斗价钱贵就知㗎啦，但系又俾唔到相对应嘅食物质素，性价比价值非常低。皮蛋瘦肉粥，肉丝寥寥可见，啲皮蛋碎湿湿又唔靓，粥底煲得稀冇乜米咁，咁都收成差唔多$80碗。豉油王炒面普通道爆，都要收过百元。蒸萝卜糕又整得好难食，整到一pat pat，口感超削，又冇乜萝卜味。呢啲咁差质素嘅食物，又要收到咁贵，真系唔会再帮衬。